भांगरभूंय | प्रतिनिधी
गिमाचे दीस सुरू जावप म्हळ्यार बाजारांत आंबे येवपाक सुरवात जाता. आंबे खावपाक, ताचो ज्युस पिवपाक खुबश्या जाणांक आवडटात. आंब्यांत खुबश्यो पुश्टीक गजाली आसतात. तांतलो बायोएक्टिव्ह संयुग भलायके खातीर सामकें गरजेचें.
आंबो फायद्याचो: आंब्यांत खुबशे पुश्टीक घटक आसतात. व्हिटॅमीन ए, बी-६, बी-१२, सी, ई, व्हिटॅमीन के, व्हिटॅमीन डी हाचे सयत तातूंत कॅलरी, कार्बोहायड्रेट, चरबी, कॅल्शियम, मॅग्नेशियम, लोह, साखर, प्रथिने, ऊर्जा, पोटॅशियम, फायबर आसतात जे भलायके खातीर बरे आसतात.
आंबो खावपाचे फायदे : रक्तांतली साकर नियंत्रणांत उरता. स्नायू घटमूट जातात. शरीरांतलें पित्त काडून हाडांची भलायकी सुदारता. किडनी खातीर फायद्याचो, स्ट्रोकाचो धोको उणो जाता, पेशींत ऊर्जा भरून पचन प्रक्रिया सुदारता. इलेक्ट्रोलाइट्स संतुलीत करून मज्जातंतूंचें काम आनी स्नायू सुधारता आनी सामान्य शरीर हायड्रेटेड दवरपाक उपेगी थारता.
आंबो खावपाचे वायट परिणाम: भलायकी तज्ञांच्या मतान आंब्याच्या उच्च ग्लायसेमीक इंडेक्साक लागून ते रक्तांतली साकर वाडोवपाक शकता. तज्ञांच्या मतान आंबो खाल्ल्यान वजनूय वाडपाक शकता. आमरस वा आंबो जेवणांत वा दुदा सयत घेतल्यार वजन वाडपाक शकता. हाचें कारण म्हळ्यार आंबा आनी दूध ह्या दोनांयनी कार्बोहायड्रेटाचें प्रमाण चड आसता.
दिसाक कितले आंबे खावचे?
गोडेंमुताचें आनी वजन वाडपाचे त्रास जांकां जातात तांणी आंबो खावचे पयलीं दोतोरांचो सल्लो घेवचो. निरोगी प्रौढ दिसाक एक आंबो खावपाक शकतात. अशें म्हणटात दिसाक ३५० ग्रॅम परस उणो आंबो खावप बरें. १०० ग्रॅम आंब्यांत सुमार ६० कॅलरीज आसतात, जाल्यार एका आंब्यांत सुमार २०२ कॅलरीज आसतात.
(टीप : वयली सगळी म्हायती फकत ह्या विशयाची म्हायती तुमचे मेरेन पावची म्हणून दिल्या.)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
