भांगरभूंय | प्रतिनिधी
न्यूयॉर्क, खबरां संस्था: भारतीय उद्देजक अमेरिकेच्या वेगवेगळ्या शारांनी नव्या तंत्रगिन्यानाच्या केंद्रांनी गुंतवणूक करतात. सुमार ५०० लाख कोटी रुपयांची गुंतवणूक करून १२ मिनी सिलिकॉन व्हॅली तयार करपाचें काम सुरू आसा. फाटल्या ५ वर्सांत भारतीय उद्देजकांनी कॅलिफोर्नियाच्या फामाद सिलिकॉन व्हॅलीच्या धर्तरेर ऑस्टिन, अटलांटा, सिएटल, सॅन डिएगो, जॅक्सनव्हिल, ऑर्लांडो ह्या शारांनी तंत्रगिन्यान कंपनींनी गुंतवणूक केल्या. आतां अमेरिकेंत ह्या शारांतल्या टेक हबांत अमेरिकेच्या टेक्सी संबंदीत सुमार ५५ टक्के कामां जातात. बे एरिया कौन्सिलच्या एका ताज्या अहवाला प्रमाण, भारतीयांनी सुमार ३० वर्सां आदीं सिलिकॉन व्हॅली स्थापन करपाक योगदान दिल्लें. हेच फाटभूंयेर आतां मिनी सिलिकॉन व्हॅली करतात. भारतीय उद्देजकांक आकर्शीत करपा खातीर खुबशीं राज्यां करांत सवलतूय दिता.
मिनी सिलिकॉन व्हॅलींत सगळ्यांत चड गुंतवणूक केली
एआय मळार मिनी सिलिकॉन व्हॅलींत सुमार ३०० लाख कोटींची गुंतवणूक आर्टिफिशियल इंटेलिजन्स (एआय) मळार केल्या. सिलिकॉन व्हॅली चेंबर ऑफ कॉमर्सचे सीईओ हरबीर भाटिया हांच्या मतान, मिनी सिलिकॉन व्हॅलींत २० लाख लोकांक रोजगार मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
