भांगरभूंय | प्रतिनिधी
भारताचो भालो फेक खेळगडो नीरज चोपडा आयज सावन झेक प्रजासत्ताक देशांत जावपी ऑस्ट्रावा गोल्डन स्पायक सर्तींत वांटो घेवचो ना. दुखापतीक लागून नीरजान सर्तींतल्यान फाटीं सरपाचो निर्णय घेतला अशी खबर आसा. पूण, आपल्याक दुखापत जावंक ना. पूण, धोको नाका म्हणून हे सर्तींतल्यान फाटीं सरपाचो निर्णय घेतला अशें नीरज चोपडान स्पश्ट केलें.
भालो फेक करतना जांगेच्या स्नायूचो त्रास जाणावता हें खरें आसा. हो त्रास आपल्याक आदीं लेगीत जातालो. पूण, ऑलिम्पीक लागीं पाडिल्ल्यान आपूण हो त्रास सोंसून लेगीत खेळत रावलो जाल्यार ताचें रुपांतर दुखापतींत जावपाक शकता. ताका लागून आपूण जखमी ना हें पयलीं स्पश्ट करपाक सोदता. ह्या ल्हानश्या त्रासातल्यान बरो जाल्या उपरांत चॅम्पियनशिपींत नेटान पुनरागमन करतलों अशें नीरज चोपडान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
