भांगरभूंय | प्रतिनिधी
फुडल्या म्हयन्यांत सुरू जावपी संवसारीक टी-20 सर्तींत वांटो घेवपी भारताच्या पंगडाचे कांय खेळगडे अमेरिकेच्या न्युयॉर्क शारांत पावले. हातूंत मुखेली रोहीत शर्मा, सुर्यकुमार यादव आनी जसप्रीत बुमरा हांचो आस्पाव आसा.
बीसीसीआयन आपल्या अधिकृत सोशल मिडियाचेर अमेरिकेक पाविल्ल्या खेळगड्यांची एक क्लीप शॅर केल्या.
भारत आपली पयली मॅच 5 जूनाक न्युयॉर्कांत नवीन बांदिल्ल्या नासाउ कावण्टी आंतरराष्ट्रीय क्रिकेट मैदानाचेर आयर्लेण्डा आड खेळटलो. भारत आनी पाकिस्तान ह्या पंगडां मदली मॅच 9 जूनाक जातली. ते उपरांत अमेरिके आड 12 जूनाक आनी कॅनडा आड 15 जूनाक खेळटलो.
पंगडः रोहीत शर्मा (मुखेली), हार्दीक पांड्या (उप मुखेली), यशस्वी जयस्वाल, विराट कोहली, सुर्यकुमार यादव, ऋषभ पंत (विकेटकीपर), संजू सॅमसन (विकेटकीपर), शिवम दुबे, रवींद्र जडेजा, अक्षर पटेल, कुलदीप यादव,युजवेंद्र चहल, अर्शदीप सिंग, जसप्रीत बुमरा आनी मोहम्मद सिराज.
राखीव खेळगडेः शुभमन गील, रिंकू सिंग, खलील अहमद आनी आवेश खान.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
