भांगरभूंय | प्रतिनिधी
पणजी: भारतांतल्या १.४ लाख बालवाडींचें रुपांतर करपाचो हेतू बाळगिल्ल्या नंद घर अभियानान हालींच अभिनेतो मनोज वाजपेयी हांचे वांगडा ’अगर बचपन से पुछा खाना खाया, तो देश का कल बनाया’ ही राष्ट्रीय चळवळ सुरू केल्या. नंद घर चळवळीचो हेत म्हळ्यार भलायकी सेवा, दर्जेदार पोशण आनी भुरग्यां खातीर उत्कृश्ठ मुळाव्या शाळांची सुविधाय सुनिश्चीत करून, भारताचे फुडले पिळगेचें पोशण करप हो जावन आसा.
मनोज वाजपेयी हांचो ह्या अभियानांत आस्पाव करून तांकां येवकार दितना वेदांताचे चेअरमन अनिल अग्रवाल हांणी, नंद घर प्रकल्प ही एक राष्ट्रीय चळवळ. जी भलायकी आनी पोशणाचेल लक्ष दिवन भुरगीं आनी बायलांच्या बर्या खातीर काम करता. मनोज वाजपेयीन हे वाडत वचपी मोहिमेक आपलो तेंको दिला म्हूण आमकां खोस भोगता. तांची वयक्तीक जिणेची काणीय आमच्या फुडल्या पिळग्यांचे जिणेंत पोशण आनी बदल घडोवन हाडपाच्या नंद घराच्या मिशनाक खोलायेन जोडिल्ली आसा.
हे मोहिमेचे लॉंचींग कार्यावळींत मनोज वाजपेयी एक तरणाटो तियात्र अभिनेतो म्हूण आपलो वयक्तीक प्रवास सांगतना दिसलो. अभिनेतो जावपाचें सपन पुराय करतना ताका नेमान पोशक जेवणाची खात्री करपा खातीर इश्टांचो अमूल्य आदार मेळिल्ल्याचें तांणी सांगलें. वाजपेयी हांणी कलाकाराच्या संघर्शाचें वर्णन केलें आनी हें कबूल केलें, एकाद्र्याक आपल्या सपनांची फाटपुरवण करपाची तांक भरिल्ल्या पोटार आनी पुश्टीक जेवणान मेळटा. वाजपेयी हांणी लोकांक www.nandghar.org हे वेबसायटीक भेट दिवन, स्वयंसेवक जावन, फाटबळ दिवचें आनी नंद घरा वांगडा भागीदारी करपाचो उलो मारलो.
नंद घरा कडेन आशिल्ल्या तांच्या वांगडीपणा विशीं उमेदी जावन मनोज वाजपेयी हांणी, पोटाच्या भुमिके सयत जगपी व्यक्तीच्या शरिरीक, मानसीक आनी भावनिक भलायकेचेर कितलो खोल परिणाम जाता हें म्हाका खबर आसा. म्हणूनच नंद घर सारके उपक्रम आसात, जे भुरग्यांक फकत योग्य पोशण दिना तर बर्यो संदी आनी पर्जळीत फुडाराचीय खात्री दितात. आमी सगळीं जाणां नंद घर चळवळी कडेन हात मेळोवया आनी एकवटान पर्ज़ळीत भारता खातीर काम करुया.
नंद घर चळवळी खाला देशभर ६००० बालवाडी स्थापन जाल्यात, आनी गोंयांत वट्ट २३ नंद घरां आसात. हीं राज्यभर फोंडें, तिसवाडी, दिवचल आनी हेर कडेन आसात. राज्यांत पयलो नंद घर २०१६ वर्सा स्थापन जाल्लो, जाल्यार तर कर्नाटकांत वेदांता सेसा गोवा खाला वट्ट २२ नंद घरां स्थापन केल्यांत.
नंद घर अभियाना कडेन एकवट उक्तायतना वेदांत सेसा गोंयचे सीईओ नवीन जाजू हांणी, वेदांताची ‘गिव्हिंग बॅक टू द सोसायटी’ प्रतीची वचनबद्धताय ह्या अभियानांत दिसून येता. हें अभियान भूक निर्मूलना खातीर कंपनीच्या यत्न सोबितकायेन आस्पावन घेता. ’खाना खाया क्या?’ ही फकत एक टॅग लायन न्हय, हाचे वरवीं भूकमुक्त संवसारा खातीर आमी आनीक कितेंय तरी करपाची गरज आसा असो उलो तांणी मारलो. नंद घर उपक्रम म्हळ्यार Transforming For Good चे दिकेन उबारिल्ले वेदांताचें एक पावल. वेदांता सेसा गोवा हांगा आमी अभिमानान एका बर्याच व्हड हेता खातीर एकवटान उबे आसात. देशाचे येवपी फुडारी म्हळ्यार भुरग्यांच्या बर्या खातीर आनी पुरायेन उदरगती खातीर फाटबळ दिवपाचें आमी वचन दितात. चला तर एकवटान अर्थपूर्ण बदल घडोवया आनी पर्जळपी फाल्यांची तयारी करुया.
नंद घर हो अनिल अग्रवाल फावंडेशन (एएएफ) चो मुखेल प्रकल्प. हांगा एकूय भुरगें उपाशीं न्हिदचें ना. हाची खात्री करपाक आमी काम करतात. अनिल अग्रवाल हांचें हे सपन जावन आसा. भारतांतल्या १४ राज्यांनी नंद घरांनी प्री-स्कूलर्स वाडयत, आमी कुपोषणाचो स्थर उणो करपाक येसस्वी जाल्यात. फाटलीं कांय वर्सां एएएफ न मल्टी-वाजरी न्यूट्री-बारूय लॉंच केलां जें सध्या वाराणसींत १ हजार ३६४ बालवाड्यांनी ३ ते ६ वर्सां पिरायेच्या ५०,००० भुरग्यांक सदांद वाट्टा. विटामीन्स, फायबर आनी अँटिऑक्सिडंट्स आशिल्ल्या ह्या बार्राक लागून भुरग्यांची जीण सुदारल्या. तशेंच गैरहजेरीय उणी जाल्या.
नंद घर, Khaana Khaaya Kyaचळवळींत आस्पाव जाल्ल्या विस्वासू आवाजां सयत परिवर्तनाच्या ह्या प्रवासंात वांटेकार जावपाक नागरीक आनी समविचारी संघटणांक आमंत्रीत करता. ह्या अभियानांतल्यान आमच्या राष्ट्राच्या बर्या फुडाराचें सपन पुराय करपाचो मार्ग मेकळो जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
