भांगरभूंय | प्रतिनिधी
पेडणें, प्रतिनिधी ः मनोहर आंतरराष्ट्रीय मोपा विमानतळा वयल्यान मुंबय वचपी बँकेच्या एका वरिश्ठ अधिकाऱ्यां कडेन काडतूस सांपडिल्ल्यान ताका ताब्यांत घेतला.
मेळिल्ले म्हायती प्रमाण, मोपा विमानतळा वयल्यान एस. ए. पी गुरुप्रसाद पटनायक (ओडिशा) हो मुंबय वतालो. ताची बॅग स्कॅन करतना ताचे कडेन .22 काडतूस सांपडिल्ल्याची कागाळ अविनाश सीआयएसएफ पंगडान मोपा पुलीस स्टेशनाचेर केली. दुबावितांक कडेन मेळिल्ल्या .22 काडतूसा संबंदी ताचे कडेन परवानो नाशिल्लो. कसलेच तरेचो परवानो दाखोवंक नाशिल्ल्यान मोपा पुलिसांनी ताका ताब्यांत घेतलो. हें विशीं फुडलो तपास पुलीस उपनिरिक्षक दीपक हळणकार करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
