भांगरभूंय | प्रतिनिधी
माडाक कल्पतरू अशेंय म्हणटात. सदचे जिणेंत नाल्लाचो खुबश्या कारणांक लागून आनी जायते तरेन उपेग जाता. नाल्लाचें, आडसरांचें उदक कांतीचे सोबितकायेक बरें. जाल्यार नाल्लाचें तेल केंस आनी कात तिकतिकीत करपाक मजत करता. तशेंच नाल्लाचो वापर भारताचे खाद्य संस्कृतायेंत व्हडा प्रमाणांत करतात. नाल्ल आसूं वा चुडटां माडाचे दरेके गजालीचो मनशाचे जिणेंत वापर जाता. इतलेंच न्हय नाल्लाक आशिल्लो काथो आनी सोडणांय बरींच फायद्याचीं जावन आसा. काथ्याचे मजतीन तुमी जायत्यो आडखळी सहज पयस करपाक शकतात. मात ताचो वापर नेमको कसो करचो हें खबर आसा?
पळयात कांय सोंप्यो पद्दती
कितें घावो जाल्यार, वा मुको मार बसल्यार थंय नाल्लाचें तेल लायतात. हांगा नाल्लाच्या काथ्याचोय वापर करूं येता. सोडणांची पूड करून सूज आयिल्ल्या जाग्यार लायल्यार सूज देंवता. हळदुवे जाल्ले दांत धवे करपाकूय काथो फायद्याचो. काथ्याची पूड करून ती खावपाच्या सोडांत मिक्स करून दांतांचेर लायल्यार वा हलक्या हातांनी लायल्यार कांय दिसांनी तुमचे दांत धवेच्च दिसपाक लागतले.
उणे पिरायेर केंस धवे जातात?
उणे पिरायेचेर धव्या जाल्ल्या केंसांक परत काळे करपा खातीर सोडणां फायद्याचीं. ही साल तव्यार गरम करून तिची पूड करून नाल्लाच्याच तेलान घालून केंसांक लावची. अशें केल्यार केंस गळटीय थारतली आनी केंस काळेय जातले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
