भांगरभूंय | प्रतिनिधी
नवी दिल्ली, खबरां संस्था: गुजरातच्या राजकोटांतल्या गेमींग झोनांत शेनवारा सांजवेळार उजो लागलो आनी लोकांक मरण आयलें. ही खबर ताजी आसतनाच शेनवारा रातीं राजधानी दिल्लींत उजो लागपाची व्हडली घडणूक घडली. विवेक विहार वाठारांतल्या न्यू बॉर्न बेबी केअर सेंटरांत लागिल्ल्या उज्याक लागून सात नवजात भुरग्यांक मरण आयलां.
दिल्लीक नेमकें कितें घडलें?
इंडिया टुडेच्या अहवाला प्रमाण शेनवारा रातीं उजो लागपाची म्हायती उजो पालोवपी दळाक मेळ्ळी. दळाचो पंगड रोखडोच थंय पावलो. आयतारा सकाळीं मेरेन उजो पालोवपाचें काम चालू आशिल्लें. रातच्या सुमार ११:३० वरांचेर सुरू जाल्लो उजो सकाळीं सुमार ४ वरांचे नियंत्रणांत हाडलो.
मजगतीं, ह्या अपघातांत जखमी जाल्ल्या पांच अर्भकांक लागसारच्या हॉस्पिटलांत दाखल केल्यात. पूण उपचारा वेळार एका अर्भकाक मरण आयलें. ह्या उज्याचें नेमकें कारण कळूंक ना. चवकशी सुरू आसा आनी ताचें प्राथमीक कारण शॉर्ट सर्किट अशें सांगलां. तशेंच हॉस्पिटलाक दिल्ले परवानगेचीय आतां चवकशी सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
