भांगरभूंय | प्रतिनिधी
मडगांव, प्रतिनिधी : ट्रक चलयतना सोरो पिवन बाटली भायर उडोवपी ट्रक ड्रायव्हर विजय कुमार (बिदर, कर्नाटक) हांचेर कुंकळ्ळी पुलिसांनी गुन्यांव नोंद केला. चालकान उडयल्ले बाटलेक लागून एके गाडयेचें लुकसाण जालें.
मेळिल्ले म्हायती प्रमाण, पांझरखणी कुंकळ्ळेंच्या महामार्गा वयल्यान वतना विजय कुमार हाणें सोरो पिवन रिकामी बाटली गाडी चालयतना भायर मारली. ती ट्रका फाटल्यान येवपी बलेनो गाडयेर पडिल्ल्यान गाडयेचो फुडलो हारसो फुटलो आनी हातूंत सुमार १७ हजारांचें लुकसाण जालें.
हे विशीं वंटे, फातर्प्यांच्या विराज फळदेसाय हांणी कुंकळ्ळी पुलीस स्टेशनाचेर कागाळ नोंद केल्या. पुलिसांनी मनशाचो जीव धोक्यांत घालप, येरादारी नेम पाळूंक नाशिल्ले खातीर गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
