भांगरभूंय | प्रतिनिधी
शाहजहांपूर, खबरां संस्था: उत्तर प्रदेशांतल्या शाहजहांपूरच्या खुटार पुलीस स्टेशन वाठारांत जाल्ल्या भिरांकूळ अपघातांत ११ भक्तांक मरण आयलां आनी १० जखमी जाल्यात. शेनवारा रातीं उसरां चिर्यांनी भरिल्लो ट्रक बशिचेर उमथल्ल्यान हो अपघात जालो.
जखमींक उपचारा खातीर लागसारच्या हॉस्पिटलांत दाखल केल्यात. हे बशींतल्यान सुमार ७० भक्त प्रवास करताले. ही बस सीतापूर सावन उत्तराखंड पूर्णगिरीक वचपाची आशिल्ली. बस एका ढाब्यार जेवणा खातीर रावली तेन्ना हो अपघात जालो. फातरांनी भरिल्ल्या वेगान वचपी डंपराचें नियंत्रण सुटलें आनी ट्रक सरळ बशीचेर येवन उमथलो. ताका लागून बशींत बशिल्ले प्रवासी ट्रका पोंदाक चिड्डून ११ जाणांक मरण आयलें.
थळाव्यांनी जखमींक लागसारच्या हॉस्पिटलांत व्हेले. अपघाताची म्हायती मेळटांच पुलीस थंय पावले. पुलिसांनी कुडी ताब्यांत घेवन दोनूय अपघातांच्यो गाडयो जप्त केल्यात. तशेंच केस नोंद जाल्या. ट्रका पोंदाक चिड्डल्ल्यो कुडी भायर काडपाक सुमार ३ वरां लागलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
