भांगरभूंय | प्रतिनिधी
पणजी, बातमीदार ः मालमत्तेच्या प्रकरणांत धमकी दिवन 24 लाखाची खंडणी मागपाच्या प्रकरणांत पणजी पुलिसांनी लोकेश कवळेंकार (48, करंजाळें – पणजी) हाका अटक केल्या. मेळिल्ले म्हायती प्रमाण कागाळदार हो दुबाविताचो भाचो आशिल्ल्याचे कळटा.
पणजी पुलिसांनी दिल्ले म्हायती प्रमाण, दोनापावलाच्या आर्यन सडवेलकार हांणे ह्या प्रकरणांत कागाळ दाखल केल्ली. उत्तर गोंयच्या दर्यादेगेवेल्या वाठारांतल्या मालमत्तेच्या विशया वयल्यान कागाळदार आनी दुबावित हांचे मदीं वाद जाल्लो. दुबावीत कवळेंकार हांणे कागाळदाराच्या आवय- बापायक कागाळदाराक जिवें मारपाची धमकी दिवन पयशांची मागणी केल्ली.
ह्या प्रकरणांत पुलीस उपनिरिक्षक दिपेश शेटकार हांणी भादंसंच्या कलम 386 (खंडणी मागप) खाला दुबावीत लोकेश हाचे आड गुन्यांव नोंद करून तपास करपाक सुरवात केली. ते उपरांत पुलिसांनी ताका अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
