भांगरभूंय | प्रतिनिधी
लंडन, खबरां संस्था ः 2023 वर्सा चडांत चड 2 लाख 50 हजार भारतीय ब्रिटनांत गेल्यात. तातूंतले 1 लाख 27 हजार लोक कामा खातीर गेले. हाचे भायर 1 लाख 15 हजार लोक शिक्षणा खातीर आनी हेर कारणांक लागून 9 हजार लोक ब्रिटनांत गेले.
भारतीयां उपरांत नायजेरियन (1 लाख 41 हजार), तिसरे क्रमांकाचेर चीन (90 हजार) आनी चवथे सुवातेर पाकिस्तान (83 हजार) आसा.
2023 वर्सा वट्ट 3 लाख 37 हजार लोकांक कामा खातीर व्हिसा मेळ्ळो. 18 हजार भारतीयांक केअर वर्कर व्हिसा आनी 11 हजार जाणांक नर्स व्हिसा मेळ्ळो. 1 लाख 14 हजार लोकांक ग्रॅज्युएशन व्हिसा दिलो. तातूंतल्या 50 हजार भारतीयांक हो व्हिसा मेळ्ळो.
तेच बरोबर भारतीय नागरिकांक ग्रॅज्युएशन खातीर दिवपी व्हिसांचोय आंकडो उणो जाला. फाटल्या वर्साच्या तुळेंत मार्च 2024 वर्सा 21,800 भारतीय विद्यार्थी पदव्युत्तर पदवी खातीर ब्रिटनांत आयले.
ब्रिटनांत वचपी लोकांचो आंकडो उणो जालो
राष्ट्रीय सांख्यिकी विभागाच्या मतान एका वर्सात ब्रिटनांत वचपी लोकांचो आंकडो 10 टक्क्यांनी देंवला. 2023 वर्सा 6,85,000 लोक ब्रिटनांत गेले आनी 2022 वर्सा 7,64,000 लोक गेले. म्हळ्यार ब्रिटनांत वचपी लोकांचो आंकडो उणो जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
