भांगरभूंय | प्रतिनिधी
काणकोण: काणकोण म्हालांतल्या गांवडोंगरी पंचायत वाठारांत पियेवपाच्या उदकाचो उणाव भासूंक लागला. ह्या वाठारांतले लोक सद्या पुरायपणान टँकराचेर निंबून आसात.
गांवडोंगरी पंचायतींतल्या भुपर वाड्या वेले 80 वर्सां पिरायेचे बन्नो वेळीप ही व्यक्ती पयस अंतराचेर वचून उदकाचे कळशे भरून घेवन येतात. जंय उदकाचो टँकर रावता ते सुवातेर चलून ही व्यक्ती थंय वता.
सद्या काणकोण म्हाल चापोली धरणाचेर निंबून आसा. ह्या वाठारांतली लोकसंख्या वाडल्या. पर्यटन वेवसायाक लागून दिसानदीस पर्यटकांची संख्या वाडत आसा. गांवडोंगरी पंचायतींतलें गावणें धरण लागीं आसतना, आनी उदकाचो भरपूर सांठो तातूंत आसतना ह्या वाठारांतल्या लोकांक मात उदक मेळना. ‘आमकां थोडें उदक दिवश्यात’ अशें म्हणपाची वेळ ह्या वाठारांतल्या लोकांचेर आयल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
