भांगरभूंय | प्रतिनिधी
म्हापशें: डायसवाडो, नागव्यां बँके कुशीक दोन कडेन उदकावाहिनीक गळटी लागल्या. फाटल्या आठ म्हयन्यां सावन हो प्रकार सुरू आसून वाड्यार उदकाचो उणाव निर्माण जाला.
ग्रामस्थांनी हो प्रकार उदका पुरवण विभागाचे कर्मचारी आनी थळाव्या लोकप्रतिनिधींच्या कानार घातला. पूण अजून कोणेच हाचे कडेन लक्ष दिल्लें ना. गळटी लागिल्ल्या ह्या उदकावाहिनींतलें उदक गटारांतल्यान तशेंच खूबशे फावटी रस्त्या वेल्यानूय व्हड प्रमाणांत व्हांवून वता.
ही भुंयगत उदकावाहिनी आशिल्ल्यान ती फुटिल्ली आशिल्ल्याची शक्यताय थळाव्यांनी उक्तायल्या. पावसांत ही वाहिनी फुटून वाड्यार उदकाचो उणाव जावपाची समस्या निर्माण जावचे पयलींच भौशीक बांदकाम खात्याच्या उदका पुरवण विभागान ती रोखडीच दुरुस्त करची अशी मागणी ग्रामस्थांनी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
