भांगरभूंय | प्रतिनिधी
पणजी, प्रतिनिधी : राज्यांत आता मेरेन केपी 1 चे 4 जाल्यार केपी 2 चे 12 दुयेंतीं मेळ्या. सगळें दुयेंतीं बरे जावन घरा गेल्ल्यान कोवीडाच्या नव्या प्रकारा विशीं भिरांतीचे कारण ना अशें राज्याचे एपिडर्मिलोजिस्ट डॉ. प्रकाश सुर्यवंशी हांणी सांगलें.
भारतात केपी 1 आनी केपी 2 ह्या कोवीड प्रकाराचे (वेरिएंट) 324 दुयेंतीं मेळ्या. महाराष्ट्रांत केपी 2 चे सगळ्यांत चड 290 दुयेंतीं मेळ्या. गोंयांत केपी 1 आनी केपी 2 चे दुयेंतीं मेळ्या ते सगळे बरे जावन घरां गेल्या. केपी 1 आनी केपी 2 दुयेंतीं म्हयन्या पयली मेळिल्ले. तांची भलायकी हेर दुयेंतीं प्रमाण सामान्य आशिल्ली. केपी 1 आनी केपी 2 चो एकूय दुयेंतीं हॉस्पिटलात ना, अशें डॉ. सुर्यवंशी हांणी म्हायती दितना सांगलें.
गोंयांत जीनोम सीक्वेंसिंग प्रयोगशाळा आसा. हाका लागून कोवीडाच्या नव्या वेरिएंटचे दुयेंती कळप शक्य जाता. दिसाक केन्ना 1 दुयेंतीं मेळटा, केन्ना 2 मेळटा जाल्यार केन्ना मेळपसून ना. धा ते बारा कोवीड दुयेंती मेळ्ळे काय तांचे सॅम्पल (नमुने) जीनोम सीक्वेंसिंगा खातीर प्रयोगशाळेत धाडटा. एक वा दोन सँपल धाडी नात. हाका लागून केपी 1 आनी केपी 2 प्रकाराचे दुयेंतीं कळपाक उशीर जालो. पयलीचो जो ओमिक्रोन वेरिएंट आशिल्लो तोच वेरिएंट म्युट जावन केपी 1 आनी केपी 2 प्रकार सुरू जाला, अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
