भांगरभूंय | प्रतिनिधी
सिंगापूर, खबरां संथा: सिंगापूर एअरलायन्सच्या फ्लाइटांत एअर टर्ब्ल्युलन्साक लागून एका प्रवाशाक मरण आयलें. ३० जण जखमी जाले. विमान लंडनांतल्यान सिंगापूर वतालें. सिंगापूर एअरलाइन्सचे बोइंग 777-300ER फ्लायट विमानान भारतीय वेळे प्रमाण दनपरां २:४५ वरांचेर लंडनांतल्यान उड्डाण केलें.
डेली मेलचे बातमे प्रमाण, वायट हवामानाक लागून टेकऑफ उपरांत ३७ हजार फूट ११ वरांचेर एअर टर्ब्ल्युलेन्स जालो. विमान नेटान हालपाक लागलें. तेन्ना विमान म्यानमारच्या विमानतळा हद्दी लागसारा आशिल्लें. अंदमानचो दर्या हुपले उपरांत हें विमान ५ मिनटांत ३७ हजार फूट उंचाये वयल्यान ३१ हजार फूट सकयल आयलें.
प्रवाशांनी सांगलें, विमानाची उंचाय उणी करतना तांकां सीट बेल्ट घालपाची शिटकावणी दिवंक ना. ताका लागून खुबशे प्रवासी तांच्या जाग्या वयलें उडले. तांची तकली सामान दवरपाच्या डब्यांचेर आदळ्ळी. खुबश्या जाणांक दुखापत जाली. तातूंत एका प्रवाशाक मरण आयलें. उपरांत भारतीय वेळा प्रमाण दनपरां २.१५ वरांचेर विमान बँकॉक वळयलें. हांगच्या विमानतळार इमर्जन्सी लँडींग केलें. दनपरां ३.४० वरांचेर हें विमान सिंगापूर देंवपाचें आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
