भांगरभूंय | प्रतिनिधी
नवी दिल्ली, खबरां संस्था ः भारतांत कोविड-19 चे 324 दुयेंती सांपडल्यात. म्हत्वाचें म्हणल्यार हातूंत KP2 चीं 290 आनी KP1चीं 34 प्रकरणां नोंद आसात. ह्या दोनूय प्रकारांक लागून सिंगापूरांत हुस्को निर्माण जाला. भारतांतय ह्या प्रकरणांची नोंद जाल्ल्यान लोकां मदीं हुस्को वाडला. भारतांत KP1ची 34 आनी KP2 चे 290 दुयेंती मेळ्ळ्यात.
ह्या प्रकरणांनी बंगालांत 23, गोंयांत 1, गुजरातांत 2 आनी हरियाणांत 4, राजस्थानांत 2, उत्तराखंडांत 1 दुयेंती सांपडल्यात.
केपी 2 दुयेंतींची संख्या खूब चड आसा. चडशे दुयेंती महाराष्ट्रांत सांपडल्यात. महाराष्ट्रांत सांपडिल्ल्या दुयेंतींची संख्या 148 आसा. दिल्ली 1, गोंय 12, गुजरात 23, हरियाणा 3, कर्नाटक 4, मध्य प्रदेश 1, ओडिशा 17, राजस्थान 21, यूपी 8, उत्तराखंड 16 आनी अस्तंत बंगाल 36 दुयेंती सांपडल्यात.
भलायकी मंत्रालयाच्या म्हणण्या प्रमाण केपी 1 आनी केपी 2 हेय कोरोनाच्या जेएम 1 प्रकारचे उपप्रकार आसात.
केपी १ आनी केपी २ प्रकारच्या कोरोनाचीं लक्षणां
जोर येवप वा थंडसाण जाणवप, सतत खोंकली येवप, ताळो सुकप, दुखप, नाक व्हांवप, तकली दुखप, स्नायू दुखप, स्वास घेवपाक त्रास जावप, अशक्तपण येवप, गॅस्ट्रोइंटेस्टाइनल समस्या (देखीक पोटांत दुखप, सौम्य अतिसार, ओंकारी)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
