भांगरभूंय | प्रतिनिधी
दिल्लींतले पत्रकार परिशदेंत मुख्यमंत्री डॉ. सावंत हांचो आरोप
पणजी, प्रतिनिधी : अत्याचाराच्या गुन्याव प्रकरणांत तडजोड करची म्हूण दिल्लीचे मुख्यमंत्री अरविंद केजरीवाल हे स्वाती मालिवालाचेर चेपण हाडटात. केजरीवाल हांचो आदलो निजी सचिव विभव कुमार हाचो मालिवाल अत्याचार प्रकरणात निश्चितपणान हात आसा, असो आरोप मुख्यमंत्री डॉ. प्रमोद सावंत हांणी केला.
डॉ. सावंत हांणी दिल्लींत पत्रकार परिशद घेतली. ह्या वेळार भाजपाचे राष्ट्रीय म्हणयारे सुधांशु त्रिवेदी हाजीर आशिल्ले.
फाटले तीन दीस हांव दिल्लींत प्रचार करतां. स्वाती मालिवाल प्रकरणांत मुख्यमंत्री केजरीवाल हे ओग्गी कित्याक आसात. ते कित्याक स्पश्टीकरण दिनात, अशें प्रश्न लोकांनी आपणाक विचारले. स्वाती मालिवाल ह्यो आपाच्यो खासदार. महिला आयोगाच्यो त्यो आदल्यो अध्यक्ष. अत्याचाराचे आरोप तांणी करप ही गंभीर घडणुक. विभव कुमार हाका केजरीवाल हे मुख्यमंत्री निवासांतल्यान लखनौ कित्याक घेवन गेले, ह्या प्रस्नाची जाप दिवपाची गरज आसा. मलिवाल अत्याचार प्रकरणात विभव कुमार हाचो हात आसा, असो आरोप डॉ. सावंत हांणी केलो.
केजरीवाल हे लोकसभा वेंचणूक निकाला पयलीं 2 तारखेक बंदखणींत वतले. ‘अब की बार चारसो पार’ आनी ‘फिर एक बार मोदी सरकार’ ह्यो आतां पक्षाच्यो घोशणा उरुंक नात. त्यो जनतेच्यो घोशणा जाल्यात, अशें डॉ. सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
