भांगरभूंय | प्रतिनिधी
नागपूर, खबरां संस्था: ईशान्य भारतांतल्या राज्यांनी बनावट कागदपत्रांचो वापर करून चोरी केल्ल्या वाहनांची नोंदणी करपी गट सक्रीय जाल्यात. नागपूर, अमरावती सयत हेर कांय आरटीओ कार्यालयांनी अशीं प्रकरणां उजवाडाक आयल्यांत. मजेची गजाल म्हळ्यार गाडयांची चॅसीस आनी इंजिन क्रमांकूय नोंदणी खातीर बदलिल्ल्याचें दिसून आयलां.
तेलंगणांत अजूनय संकेतथळार सगळ्या तरेच्या वाहनांची ऑनलायन नोंदणी जायना. थंय पोरण्या पद्दती प्रमाण कागदपत्रां वयल्यान मनशा वयल्यान नोंदणी करतात. जाल्यार लद्दाख, अंदमान निकोबार, अरुणाचल प्रदेशांतय शंबर टक्के ऑनलायन नोंदणी करपाची सुविधा ना. कांय राज्यांनी ऑनलायन नोंदणी प्रक्रिया निमाण्या पांवड्यार आसा. हाचो फायदो घेवन चोरी केल्ल्या जड वा माल येरादारी करपी वाहनांचो चॅसीस क्रमांक आनी इंजिन क्रमांक बदलून बनावट कागदपत्रांचेर वाहनां नोंद करपी गट ईशान्य राज्यांनी सक्रीय जाल्यात. ते खातीर पयली मानवी पद्दतीन बनावट कागदपत्रां वयल्यान ऑनलायन सुविधा नासतना वाहनांची नोंदणी आरटीओंत करतात. थंयच्यान गाडयो नागालँड, मणिपूर आनी ईशान्य भारताच्या हेर राज्यांच्या आरटीओ कार्यालयाच्या मर्यादेंत हस्तांतरीत करतात आनी हो डेटा ऑनलायन नोंदणी वरवीं वाहन वेबसायटीर घालतात. हांगाच्यान ह्यो गाडयो महाराष्ट्रा सयत देशांतल्या हेर आरटीओ कडेन हस्तांतरीत करतात. वाहन वेबसायटीर कागदपत्रां अपलोड जाल्ल्यान तीं खरींच दिसतात.
चोरी केल्ल्या वाहनांची नोंदणी कशी करची?
पयलें, तेलंगणा सयत कांय राज्यांनी जंय ऑनलायन सुविधा ना, थंय मानवी पद्दतीन बनावट कागदपत्रां वयल्यान चॅसीस आनी इंजिन क्रमांक विशिश्ट पद्दतीन बदलून वाहनांचो चॅसीस आनी इंजिन क्रमांक नोंद करतात. थंयच्यान ह्यो गाडयो ऑनलायन सुविधा सयत ईशान्य नागालँड, अरुणाचल प्रदेश, मणिपूर, त्रिपुरा आनी हेर कांय आरटीओ कार्यालयांनी हस्तांतरीत करतात आनी गाडयो वेबसायटीर नोंद करतात. हांगच्यान ह्यो गाडयो भारतभरांतल्या आरटीओ कार्यालयांनी हस्तांतरीत करतात. ईशान्य आरटीओ कडल्यान हेर कार्यालयांत ह्यो गाडयो हस्तांतरीत करपा खातीर हरकत ना प्रमाणपत्र जारी करचे पयलीं थंयचे पुलीस गुन्यांव सयत वाहनांची खात्री करतात. देखून हेर आरटीओंत हे दस्तावेज खरे मानतात. मात ह्याय आरटिओंत नांव बदलचे पयलीं गाडयांच्या पडताळणी विशीं पुलिसांक पत्र दितात. सात दीस वाट पळयल्या उपरांत जाप ना जाल्यार नेमा प्रमाण गाडयेची नोंदणी दुसर्या नांवान जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
