भांगरभूंय | प्रतिनिधी
म्हापशें: अस्नोडेंच्या उदकाशुद्धीकरण प्रकल्पाचें दुरुस्तीचें काम बुधवार 22 मे दिसा जातलें. ते निमतान बुधवार 22 आनी बिरेस्तार 23 वेर पुराय बार्देस म्हाल आनी दिवचल म्हालांतल्या कांय वाठारांनी मर्यादीत उदका पुरवण जातली.
उदका स्रोत खात्या वतीन अस्नोडें उदका प्रकल्पांतल्या वर्सावळी प्रमाण मॉन्सुना पयलींचें काम बुधवारा हातांत घेतले. प्रकल्पांतल्या 50 एमएलडी तांकीचो उदकाशुद्धीकरण प्लांट ह्या प्रकल्पाचे हें काम जातलें.
22 वेर हें काम करतले. हाका लागून ह्या प्रकल्पा वतीन उदका पुरवण जावपी पुराय बार्देस म्हाल आनी दिवचल म्हालांतल्या कांय वाठारांनी 22 आनी 23 वेर मर्यादीत उदका पुरवण जातली अशी म्हायती उदका पुरवण विभागाचे कार्यकारी अभियंते वासूराज करमलकार हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
