भांगरभूंय | प्रतिनिधी
पणजी, बातमीदार ः गोंय पुलीस गुन्यांव फांट्यान सोमारा मध्यान रातीं चोपडें सर्कल लागसारा धाड घालून बादलकुमार अजय प्रसाद (20, रा. गया-बिहार) ह्या तरणाट्याक अटक केली. ताचे कडल्यान 2.15 लाखांचो 2.153 किलो गांजो जप्त केला.
गुन्यांव फांट्यान दिल्ले म्हायती प्रमाण सोमारा मध्यान रातीं चोपडें सर्कल लागसारा एक तरणाटो ड्रग्साची तस्करी करपाक येतलो अशी म्हायती गुन्यांव फांट्याच्या एका अधिकाऱ्याक मेळ्ळी. ते प्रमाण पुलीस अधीक्षक राहुल गुप्ता आनी उपअधीक्षक राजेश कुमार हांच्या मार्गदर्शना खाला उपनिरीक्षक गिरीश पाडलोस्कर हांच्या फुडारपणा खाला हवालदार अशोक गावडे, हवालदार सुलेश नायक, अब्दुल शेख, आसिफ आगा, कल्पेश तोरसकार आनी हेर पुलीसांनी मळून सोमारा, 20 तारखेक रातीं 9.15 ते मध्यान रातीं 12.10 वरां मजगतीं चोपडे सर्कल लागसार सापळो घालो.
मजगतीं, गुप्तहेरांनी दिल्ले म्हायती प्रमाण थंय एक तरणाटो आयलो तेन्ना पंगडान ताची चवकशी केली. तांणे आपलें नांव बादलकुमार अजय प्रसाद (20, रा. बिहार) अशी म्हायती दिली. उपरांत पंगडान ताचो तपास केलो तेन्ना ताचे कडेन 2.15 लाखांचो 2.153 किलो गांजो सांपडलो. ह्या प्रकरणांत उपनिरिक्षक गिरीश पाडलोस्कार हांणी अमली पदार्थ विरोधी कायद्याच्या कलम 20 (बी) (ii) (ब) खाला गुन्यांव नोंद करुन दुबावीत बादलकुमार अजय प्रसाद हाका अटक केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
