भांगरभूंय | प्रतिनिधी
बायर लेव्हरकुसेन क्लबान जर्मनींतली बुंडसलिगा फुटबॉल सर्तींत पुर्ण हंगामांत अपराजीत रावपाची इतिहासीक कामगिरी केली. लेव्हरकुसेनान अखेरचे मॅचींत ऑग्सबर्ग क्लबा आड 2-1 अशें जैत जोडलें.
स्पेनाचो आदलो मिडफिल्डर झाबी अलोन्सोच्या मार्गदर्शनाखाला खेळपी लेव्हरकुसेन क्लबान अंदूंच्या हंगामांत वेगळ्यावेगळ्या सर्तींतलें साबार विक्रम मोडले. लेव्हरकुसेन क्लबान अंदूंच्या पुर्ण हंगामांत अपराजीत रावपाचो पराक्रम केलो. अशी कामगिरी करपी तो पयलोच क्लब थारलो. ताणें वट्ट 28 मॅचींनी जैत जोडलें. स मॅची बादाबाद दवरल्यो. तशेंच लेव्हरकुसेन क्लबान बायर्न म्युनिकाच्या वर्चस्वाक लेगीत धपको दिलो आनी पयले खेपे बुंडसलिगा लीग जिखली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
