भांगरभूंय | प्रतिनिधी
वाळपय, प्रतिनिधी : आंबेडें, नगरगांवचे ८४ वर्सां पिरायेचे ज्येश्ट नागरीक रामा गांवस हे शुक्रारा सावन बेपत्ता आसात. हे विशींची कागाळ वाळपय पुलीस स्टेशनाचेर नोंद केल्या. मात ते आजूनय मेळूंक ना. हे विशीं तांच्या घरच्यांनी दिल्ले म्हायती प्रमाण, धवो शर्ट आनी काळ्या रंगाची पँट घालून रामा हे सकाळीं वाळपय वचपाक भायर सरिल्ले. ते रात मेरेन घरा पावूंक ना. उसरां मेरेन तांचो सोद घेतलो. सोयर्यां कडेन हे विशीं चवकशी केली. मात तांचो आजून पत्तो लागूंक ना.
दुसर्या दिसा परत खुबश्या सुवातांचेर ताचो सोद घेतलो. मात ते आजूनय मेळूंक ना. पुलिसूय आपले तरेन तपास करतात.
पुलीस निरीक्षक राहुल नायक हांकां हे विशीं विचारलें तेन्ना तांणी, कागाळ नोंद जाल्या. कागाळीच्यो प्रती विवीध पुलीस स्टेशनांचेर धाडल्या. मात ते आजूनय सापडूंक ना, अशें सांगलें.
रामा गांवस हांची कोणायकूय म्हायती मेळ्ळ्यार लागसारच्या पुलीस स्टेशनाचेर संपर्क करचो, अशी मागणी पुलीस आनी गांवस हांच्या कुटुंबियांनी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
