भांगरभूंय | प्रतिनिधी
मडगांव, प्रतिनिधी ः मडगांव कदंब बस स्टँडा मुखार आशिल्ल्या पार्किंगांतल्यान 1.68 लाख रुपयांच्या वेस्पा स्कुटरीची चोरी जाल्या. हे संबंदी फातोड्ड्यां पुलिसांनी अज्ञात चोरा आड गुन्यांव नोंद केला.
मेळिल्ले म्हायती प्रमाण, फातोड्डें पुलीस स्टेशनाच्या वाठाारंतल्या मडगांव कदंब बस स्टँडा मुखार आशिल्ल्या पार्किंग जाग्यार जायते जाण स्कुटरी पार्क करतात आनी थंय सावन बसींनी पणजे वा हेर सुवातांचेर कामाक वतात. हाचोच फायदो घेवन चोर स्कुटरी चोरतात. पेड्डा मडगांवच्या अमीश कार्लेकार हांची पार्कींग सुवातेर पार्क केल्ली 1.68 लाख रुपयांची वेस्पा स्कुटर चोरयेक गेली. 29 एप्रीलाक ही चोरीची घडणूक घडली. हे संबंदी आतां फातोड्ड्यां पुलिसांनी गुन्यांव नोंद केला. पुलीस निरिक्षक नाथन आल्मेदा हांच्या मार्गदर्शना खाला मुखेल हवालदार देवली ह्या प्रकरणाचो फुडलो तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
