भांगरभूंय | प्रतिनिधी
शेअर बाजारांत कांय गुंतवणूकदार आसात जे गुंतवणूक करचे पयलीं कंपनींचेर पुराय संशोधन करतात. अभ्यास करून योग्य कंपनींत पयशे गुंतवणूक केल्यार हे गुंतवणूकदार बरेंच जोडटात. भारत हो विविधतायेन भरिल्लो देश. तशेंच ह्या देशाची भौगोलीक स्थितीय वेगळी आसा. पूण ही सगळी विविधताय आसून लेगीत रेल्वेचें जाळें भारतभर पातळ्ळां. देखूनच भारतीय रेल्वे हो गुंतवणूकदारांक सदांच जिज्ञासेचो विशय जावन आसा. तुमी शेअर बाजारांतूय पयशे जोडटात जाल्यार मागीर रेल्वे संबंदीत स्टॉकांचेर नदर दवरची. सध्या रेल्वे संबंदीत सात कंपनी आसात ज्यो फुडाराक तुमकां बरो परतावो दिवंक शकतात.
फुडाराक बरो परतावो मेळटलो…
रेल्वे संबंदीत जायते स्टॉक आसात, जांणी आपल्या गुंतवणुकदारांक ३०० टक्क्यां मेरेन परतावो दिला. ह्या वेंचणुकेच्या काळांत रेल्वे संबंदीत कांय स्टॉकांत २०० टक्क्यां मेरेन वाड जाल्या. देखून शेअर बाजारांतल्या तज्ञांच्या मतान रेल्वे संबंदीत स्टॉकांत गुंतवणूक केल्यार फुडाराक बरो परतावो मेळूं येता.
एका म्हयन्यांत ४४ टक्के परतावो मेळटा
हालींच्या काळांत रेल्वे संबंदीत जायत्या स्टॉकांक रेटिंग मेळ्ळां. ह्या चडशा कंपनींच्या शेअरांत फाटल्या पांच वर्सांत एक, दोन वा पांच पटींनी लेगीत वाड जाल्या. शेअर बाजारांतल्या तज्ञांच्या मतान रेल्वे संबंदीत कंपनी गुंतवणूकदारांक अजूनय बरो परतावो दिवंक शकता. ह्या कांय कंपनींनी फाटल्या एका सप्तकांत सुमार २५ टक्के परतावो दिला. ह्याच शेअरांनी फाटल्या एका म्हयन्यांत गुंतवणूकदारांक ४४ टक्के परतावो मेळ्ळा.
हे शेअर्स विकत घेयात
शेअर बाजारांतल्या तज्ज्ञांच्या मता प्रमाण गुंतवणूकदारांनी टिमकेन इंडिया, टीटागड रेल सिस्टम, आयआरसीटीसी, टॅक्समेको रेल, आयआरएफसी तशेंच रेल विकास निगम ह्या कंपन्यांचे शेअर्स विकत घेवपाक जाय. रेलटेल कॉर्पोरेशन ऑफ इंडिया हे कंपनीचे शेअर्स विकपाक जाय, अशें ह्या मळा वयल्या तज्ञांनी सांगलां.
(टीप- ह्या लेखांत आमी दिल्ली म्हायती प्राथमीक आसा. हो लेख गुंतवणूक करपा खातीर शिफारस वा सल्लो दिवपाचो ना. तुमकां गुंतवणूक करपाची आसल्यार ह्या मळार तज्ञाचो सल्लो घेयात .)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
