भांगरभूंय | प्रतिनिधी
नवी दिल्ली, खबरां संस्था : लोकसभा वेंचणुकेच्या पांचव्या सामक्या म्हत्वाच्या टप्प्यांत आयज मतदान जाता. महाराष्ट्रांतल्या १३, जाल्यार देशांतल्या वट्ट ४९ जाग्यांचेर आयज मतदान जाता.मुंबयंत ५ अप्पर पुलीस आयुक्तां सयत २५ हजार पुलीस तैनात केल्यात.
दिग्गजांचो फुडार मतदारांच्या हातांत
राज्यांतल्या ज्या मतदारसंघांत वेंचणूक जातली, तातूंत मुंबयच्या ६ तशेंच ठाणे, कल्याण, पालघर, भिवंडी, नाशीक, धुळे, दिंडोरी ह्या मतदारसंघांचो आसपाव आसा. पियूष गोयल, भारती पवार, अरविंद सावंत, राहुल शेवाळे, वर्षा गायकवाड, उज्ज्वल निकम, राजन विचारे, श्रीकांत शिंदे, हेमंत गोडसे अश्या दिग्गजांचो फुडार आयत मतपेटयेंत बंद उरतलो. महाराष्ट्रांतल्या वेंचणुकांचो हो निमाणो टप्पो जावन आसा. ह्या टप्प्या उपरांत सगळ्यांक उत्सुकताय आसतली ती ४ जुनाची म्हळ्यार वेंचणुकेच्या निकालांची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
