भांगरभूंय | प्रतिनिधी
सध्या तरी स्मार्टफोन नाशिल्ल्यांचो आंकडो बरोच व्हड आसा. हाचो अर्थ एक व्हड लोकसंख्या फीचर फोन वापरता, जी इंटरनेट सुविधांपसून पयस आसा. अशा मोबायल वापरकर्त्यां खातीर, नॅशनल पेमेंट कॉर्पोरेशन ऑफ इंडिया म्हळ्यार NPCIन स्मार्टफोन आनी इंटरनेटा बगर ऑनलायन पेमेंट करपाची सुविधा उपलब्ध करून दिल्या.
अशी परिस्थितींत जर तुमचे कडेन स्मार्टफोन ना वा फोनांत इंटरनेट उपलब्ध ना, जाल्यार तुमी स्मार्टफोन आनी इंटरनेटा बगर ऑनलायन पेमेंट करपाक शकता. हातूंत UPI123Pay वापरून UPI पेमेंट करपाक मेळटा. इंटरनेटा बगर UPI पेमेंट करपाक, तुमच्या फोनांत USSD सेवा सक्रीय आसची. तशेंच, तुमच्या बँक खात्यांत पयशे आसचे. इंटरनेटा बगर UPI पेमेंटची मर्यादा २००० रुपया प्रती वेव्हार आनी १०००० रुपया दर दिसा आसा.
कशें करप UPI पेमेंट
सगळ्यांत पयलीं तुमच्या फोनार ९९ डायल करात.
उपरांत तुमकां १ पर्याय निवडचो पडटलो.
उपरांत तुमकां वेव्हाराचो प्रकार निवडचो पडटलो.
उपरांत, ज्या UPI खात्याचेर तुमकां पयशे धाडपाचे आसा, ताचो युपीआय आयडी, फोन नंबर वा बँक खातें क्रमांक घालात.
उपरांत धाडपाची रक्कम प्रविष्ट करात.
तुमचो युपिआय पिन घालात.
उपरात ‘धाडात’ हाचे टॅप करात.
टीप: फकत कांय बँकी कडेनूच USSD कोडा वरवीं इंटरनेटा बगर UPI पेमेंट करपाची सुविधा दितात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
