भांगरभूंय | प्रतिनिधी
५ म्हयन्यांत ५४ कंपनींचे नमुने अपेशी थारले
नवी दिल्ली, खबरां संस्था: देशांत जिवाक धोको निर्माण करपी वखदांची व्हडा प्रमाणांत विक्री जाता. सात म्हयन्यांत धा वखदांचे चांचणेंत डाय -इथाइलिन ग्लायकोल (डीईजी) आनी इथाइलीन ग्लायकोल (ईजी) हीं घातकीं रसायनां मेळ्ळीं. ताचे परस चड हुस्क्याची गजाल म्हळ्यार ह्या धा वखदां मदलीं ६ वखदां भुरग्यां खातीर खोंकलेची सिरप म्हणून वापरतात. केंद्रीय वखदां मानक नियंत्रण संघटणेन (सीडीएससीए) ऑगस्ट २०२३ ते फेब्रुवारी २०२४ ह्या काळांत नियाळ घेतलो.
गाम्बिया, उझबेकिस्तान, कॅमरुनसह अश्या जायत्या देशांनी १ ते २ वर्सांनी १४० परस चड भुरग्यांक मरण आयलें. तांच्या मरणा फाटलें कारण ह्या सिरपींतलीं रसायनां थारलीं. भारतीय फार्मा कंपनीन तयार केल्ल्या कफ सिरपीक जापसालदार धरलां. जून २०२३ सावन सीडीएससीओन निर्यातीच्या सगळ्या कफ सिरपींक प्रयोगशाळेंत धाडप सक्तीचें केलां. जून ते ऑक्टोबर २३ मेरेन पांच म्हयन्यांत ५४ फार्मा कंपनींचे नमुने अपेशी थारले. वखदां नियंत्रकाचे मुखेली राजीव रघुवंशी हांचे कडेन सादिल्लो हो संवाद
सगळ्या पांवड्यार चवकशी सुरू आसूनय वखदां बाजारांत पावलीं कशीं?
समाजीक वावुरपी सुकेश खजुरिया हांणी सांगलें, कच्चो माल, निमाण्या उत्पादनांची खर तपासणी जाता. ताचे बगर बाजारांत वचूंक मेळना. कंपनीच न्हय तर वखदां प्राधिकरणूय बेपर्वा आसा. वखदां परत घेवप ही एक लांब प्रक्रिया. तो मेरेन जायत्या जाणांनी तीं घेतिल्लीं आसतात.
ह्यो त्यो ६ कफ सिरप: कोफवोन एलएस, ग्वाइफेनेसिन सिरप- १००, ग्वायफेनेसिन, सिलप्रो प्लस, कोल्ड आऊटच्यो दोन बॅची.
खंयच्या वखदांत कितल्या प्रमाणांत धोक्याचें रसायन मेळ्ळें? आनी तें कितलें आसूंक जाय?
कफ सिरप ट्रिमॅक्स एक्सपेक्टोरंटांत ०.११८ टक्के इजी आसता. कोल्ड आवटांत १.९ इजी आनी ०.१४ टक्के डीईजी आसता. काळजाच्या रोगा दुयेंसा खातीरच्या डिझिव्हर इंजेक्शनांत ईजी आनी डीईजी व्हडा प्रमाणांत आसता. लर्जी वखदां सिलप्रो प्लस सिरपांत ०.१७१ टक्के इजी आनी ०.२४३ टक्के डीइजी आसा. डब्ल्यूएचओच्या मार्गदर्शक तत्त्वां प्रमाण ईजी वा डीईजीचें प्रमाण ०.१० टक्क्यां बरस चड आसपाक जायना.
कितल्या दिसांनी तांचो वायट परिणाम दिसता? ताचीं लक्षणां कितें?
वखदां घेतले उपरांत ३-४ दिसां भितर ताचो परिणाम दिसता. डायरिया सारकिल्लीं सामान्य लक्षणां भुरग्यांक दिसतात.
देशांत अशे तरेचीं प्रकरणां मुखार आयल्यांत?
निमाणो दुयेंती फेब्रुवारी २०२४ वर्सा सांपडला. हिमाचलच्या सिरमायर जिल्ह्यांतल्या फार्मा कंपनी सेक्युअरच्या थंडसाणी आड सरबत कोफवॉन एलएसांत विखारी रसायन ईजी चड आशिल्ल्याचें दिसून आयलें. डिसेंबर २०२३ त हिमाचलच्या सोलन जिल्ह्यांतल्या व्हीव्हीपीबी फार्मा कंपनीच्या जेलकोरिल एलएस सिरपींत डीईजी चड आशिल्ली. ताचे पयलीं जानेवारी २०२०त हिमाचलाची फार्मा कंपनी डिजिटल व्हिजन फार्माच्या कफ सिरप आनी कोल्ड बेस्टाक लागून रामनगर जम्मूच्या १२ भुरग्यांक मरण आयिल्लें. चंदीगड हांगच्या प्रादेशीक ड्रग प्रयोगशाळेच्या निश्कर्शा प्रमाण कोल्ड बेस्ट सिरपांत डीईजीचें प्रमाण ३५. ८७ टक्के आशिल्लें.
भारतीय फार्मा कंपन्यांचेर कितें कारवाय जाली?
ऑक्टोबर २२ ते २३ ऑगस्ट मेरेन संवसारीक भलायकी संघटणेन डीईजी आनी ईजीचें चड प्रमाण मेळ्ळें. उपरांत पांच भारतीय कफ सिरपी आड अलर्ट दिल्लो. अमेरिकेन भारताच्या खुबश्या उत्पादनांक वळेरेंतल्यान काडल्यां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
