भांगरभूंय | प्रतिनिधी
पणजी, बातमीदार ः भारतीय नौदलाच्या विमानाक काल सांजवेळा दाबोळेच्या आंतरराष्ट्रीय विमानतळार इमर्जन्सी लँडिंग करचें पडलें देखून ताचो परिणाम विमानतळा वयल्या नागरी विमान सेवांचेर जालो. धांवपट्टी मेळनाशिल्ल्यान चार विमानां मोपा विमानतळार वळोवचीं पडलीं अशी म्हायती संबंदीत अधिकाऱ्यांनी दिली.
भारतीय नौदलाच्या विमानान हे सुविधेचेर इमर्जन्सी लँडिंग केल्ल्यान दाबोळेच्या गोंय आंतरराष्ट्रीय विमानतळा वयल्या विमान सेवेंचेर परिणाम जालो. गोंय विमानतळाचे संचालक एस.व्ही.टी. राव हांणी ही म्हायती दिली. भारतीय नौदलाचें विमानान इमर्जन्सी लँडिंग केल्ल्यान शुक्रारा सांजवेळा 4.50 ते 6.30 मेरेन प्रवासी विमानांक धांवपट्टी बंद दवरली. ह्या काळांत नागरी विमानांक धांवपट्टी मेळनाशिल्ल्यान चार विमानां वळोवचीं पडलीं. तीन विमानां उत्तर गोंयच्या मनोहर आंतरराष्ट्रीय विमानतळ मोपा वटेन वळयली, जाल्यार दुसरे विमान मुंबय वटेन वळयले. हांचे उपरांत 6.30 उपरांत विमानतळावयली कामां सदचे भशेन सुरू जाल्यांत अशें राव हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
