भांगरभूंय | प्रतिनिधी
नियाळ घेवपी बसके उपरांत मुख्यमंत्र्यांची घोशणा
पणजी, प्रतिनिधी : मुळाव्यो सुविधा आनी शिक्षकांच्या उपलब्धतेची वेवस्था पळोन अंदू यत्ता णववे सावन राष्ट्रीय शिक्षण धोरण (एनईपी) चालीक लावपाचो निर्णय सरकारान घेतला. तशें मुख्यमंत्री डॉ. प्रमोद सावंत हांणी बसके उपरांत जाहीर केले. एनईपी चालीक लावपाच्या नियाळा खातीर आयज शुक्रारा मुख्यमंत्र्यांच्या फुडारपणा खाला बसका जाली. हे बसकेंत तरेकवार विशयांचेर चर्चा जाली.
वोकेशनल (वेवसायिक), कला शिक्षकांची समस्या एनईपीच्या कार्यवायेत आशिल्ली. भुगोल विशयाचो वोकेशनल विशयांत आसपाव जाला. भुगोल शिक्षकाक प्रशिक्षण दितले. तशेच कलेच्या विशयां खातीर एससीईआरटी मार्फत शिक्षकांची नेमणूक जातली. मुख्याध्यापक तशेच शिक्षकांक एनईपी विशीं मार्गदर्शन दिवपाच्यो सुचोवण्यो केल्या. एनईपी फुडाराक उंचेल्या शिक्षणा खातीर पुरक थारतली, अशें मुख्यमंत्र्यांनी सांगलें.
180 शिक्षकांची भरती फास्ट ट्रॅक पद्दतीन जातली. राज्य शिक्षण प्रशिक्षण आनी संशोधन मंडळ (एससीईआरटी) ही स्वायत्त संस्था करपाचो निर्णय जाला. डीआायईटी संस्था एससीईआरटी खाला हाडटलें. इकरावेच्या प्रवेशाविशी कसलोच घुस्पागोंदळ ना, अशें डॉ. सावंत हांणी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
