भांगरभूंय | प्रतिनिधी
पावसाचे ढग मळबांत जमतात तेन्ना गोंयांत एक परिवर्तनकारी बदल जाता, जून ते सप्टेंबर मेरेन पातळिल्ल्या ह्या पावसाळ्याक लागून ह्या वाठारांत व्हड पावस पडटा आनी थंड तापमान येता आनी गोंयच्या भुंयप्रदेशाचें पाचव्या रंगाचें स्वर्गांत रुपांतर जाता. पावस कांय प्रवाशांक आडावंक शकता, पूण पावसाची वाट पळोवप्यांक आडावपाक शकना.
पावसाच्या दिसांनी गोंयांत रावपाची येवजण करतना योग्य रावपाची सुवात वेंचप म्हत्वाचें. पावसाच्या हवामानाक हाताळपाक सज्ज आशिल्ले हॉटेल आनी रिसॉर्ट्स निवडात, जातूंत बरे चलपाचे मार्ग, घरांतले जेवपाचे पर्याय, आनी घटमूट मुळावी बांदावळ अश्यो सुविधा आसात. ते भायर गोंयच्या ल्हान ल्हान गांवगिऱ्या वाठारांनी रावपी इको-रिसॉर्ट वा बुटीक गेस्ट हावसांत रावपाचो विचार करात, जंय पावसांतल्यान आलाशिरो घेवन ह्या वाठाराच्या सैमीक सोबीतकायेंत बुडोवंक मेळटा. पावसाळ्याक लागून भायल्या गजालींक मर्यादा येवंक शकता, पूण पावसाच्या दिसांनी तुमकां मनरिजवण करपा खातीर गोंयांत घरांतल्या कार्यावळींचो भरपूर आस्पाव जाता. संग्रहालयां, कला दर्शन, देवळां, चर्च आनी फोर्ट ह्या इतिहासीक थळांक भेट दिवन ह्या वाठारांतल्या गिरेस्त संस्कृतीक दायजाचो अभ्यास करचो. थळाव्या कॅफे आनी रॅस्टोरंण्टांनी पाक कलेच्या खाणां-जेवणाची मजा घेयात, सुंगटाची कडी आनी सांगटाचें आंबटतीक, परंपारीक गोड पदार्थ अशा गोंयच्या खाणां-जेवणांचो आस्वाद घेयात. ते भायर कार्यशाळांनी वा रांदपाच्या वर्गांत वांटो घेवपाचो विचार करचो.
पावस पडलो तरी पावसाच्या दिसांनी गोंयची सैमीक सोबीतकाय उजवाडान चकचकीत जाता, थंय रानवटी पाचवीचार, फुलपी फुलां, झरपी धबधबे ह्या वाठाराक सोबीत करतात. सैमांत भोंवडी, ट्रेकींग धबधब्यांचेर भोंवडी करपाक सुरवात करून थंड तापमान आनी जिवंत दृश्यांचो फायदो घेयात. गोंयचे रानवटी जनावर अभयारण्य आनी सुकणीं पळोवपाचे विचार करात, जंय थळाव्या वनस्पती आनी मोनजातींची तांच्या सैमीक रावपाच्या सुवातेर मेळूं येता. व्हड भायल्या वाठाराचो सोद घेतना सोयीस्कर आनी सुखी रावपा खातीर कपडे, घटमूट पांयतणां, आनी सत्रे सयत फावो ते पॅक करपाक विसरूं नाकात. गोंयचो पावसाळो ताजें कापणी केल्लीं फळां ते परंपारीक पावसाळी भाज्यो, खाणां भरपूर हाडटा. रस्त्या कुशीक विकपी भजीं, च्या आनी भाजिल्लो मको उमेदीन रूच काडून खावचो. थळाव्या बाजारांत आनी रस्त्या कुशीच्या स्टॉलांक भेट दिवन आंबो, पणस, अणसां ही पावसाळी फळां घेवची, जी पावसाळ्याच्या म्हयन्यांत चडांत चड आसतात. गोंयच्या पावसाळ्याच्या जेवणांतल्या पाककलेच्या विविधतायेक भेट दिवची,पावसाळातल्या रुचीचो आस्वाद घेवचो आनी तेच बरोबर रस्त्यार खाणां-जेवणाच्या जिवंत संस्कृतायेंत बुडून वच्चें.
पावसांत गोंयची सैमीक सोबीतकाय सगळ्या वैभवांत अणभवपाची एक आगळी संद मेळटा, पूण वर्साच्या ह्या काळांत प्रवास करतना सुरक्षेक प्राधान्य दिवप गरजेचें. गाडी चलयतना वा सायकल चलयतना निसरळ रस्ते आनी उणी दृश्टी लक्षांत दवरात आनी धबधबे सोदून काडटना वा दोंगराळ वाठारांत ट्रेकींग करतना जतनाय घेयात. हवामानाच्या अदमासा विशीं म्हायती मेळोवची आनी थळाव्या अधिकाऱ्यांनी व्हड पावस वा हुंवारा संबंदी दिल्ल्या खंयच्याय शिटकावणी वा सल्ल्याक लक्ष दिवचें. ते भायर, अदमासा भायर परिस्थिती वा आणिबाणीच्या वेळार मनाची शांती मेळोवपा खातीर प्रवास विमो खरेदी करपाचो विचार करचो.
गोंयांत पावसाळ्या खातीर नियोजन करपाक तयारी, लवचीकपण आनी सैमाची सोबीतकाय हांचो मेळ जाय पडटा. योग्य रावपाची सुवात निवडून, घरांतल्या कार्यावळींचो सोद घेवन, सैमाची सोबीतकाय पळोन, पावसाळी खाणां-जेवणाचे नमुने घेवन आनी तुमच्या प्रवासांत सुरक्षीत रावून, तुमी गोंयांतल्या पावसाचो चडांत चड फायदो घेवंक शकतात. देखून तुमचे पावसात भोंवपाचे बॅग पॅक करात, पावसाळ्याच्या अद्भुतांक तुमचें काळीज उगडात आनी दर्यादेग, धबधबे, सैमीक ल्हान ल्हान दृश्यांनी आनी ताजेपणाच्या पावसांनी मोहीत जावपाची तयारी करात.
मनोज मंगेश कुंकळ्येंकार
9764215365
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
