भांगरभूंय | प्रतिनिधी
पणजी : राज्यांत बिरेस्तारा दनपरां उपरांत पावस खुबश्या सुवातांचेर झडलो. पणजी, सांखळे, बार्देस, दिवचल, सत्तरी, पेडण्यां, वाळपय ,सांखळे ,फोंडें, शिरोड्यां ,धारबांदोडें, केपें, काणकोण, सांगें वाठारांत पावस झडलो. पावसाक लागून तापमान देंवला. हवामान खात्यान राज्यांत १६ ते २२ मे मजगतीं पावसाची शक्यताय उक्तायल्या. ते प्रमाण १६ ते १८ मे मजगतीं येलो अलर्ट जारी केला
राज्यांत १६ ते १८ मे मेरेन वातावरण उश्ण आनी दमट उरपाची शक्यताय. हे मजगतीं उश्णतायेचें ल्हार येवचें ना हें स्पश्ट जालां. राज्यांत १६ ते २० मे मजगतीं वारो वराक ४० ते ५५ किमी मेरेन पावपाची शक्यताय. ह्या काळांत नुस्तेंकारांनी देंवचें न्हय असो उलो खात्यान दिला.
बिरेस्तारा पणजे चडांत चड तापमान १ अंशान वाडून ३४.७ अंश सल्सिअस जाल्लें. जाल्यार मुरगांवां चडांत चड तापमान १.७ अंशन वाडृन ३५ अंश सेल्सिअस जालें.
फुडले दीस चडांत चड तापमानांत बदल जावपाची शक्यताय ना अशें हवामान खातन कळयलां. मजगतीं, बुधवारा रातीं पणजे सयत राज्यांतल्या हेर भागांत कांय प्रमाणांत पावसाची नोंद जाली. पुराय राज्यांत १ मार्च ते १६ मे मजगतीं सरासरी ४५ मिमी पावसाची नोंद जाल्या. हो पावस ह्या काळांत पडपी पावसाच्या ११८ टक्क्यांनी चड आसा. राज्यांत आतां मेरेन फोंडें सगळ्यांत चड १३२.८ मिमी पावसाची नोंद जाल्या
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
