भांगरभूंय | प्रतिनिधी
फोंडें, प्रतिनिधी: साकोड्ड्यां पंचायत वाठारांतल्यान व्हांवपी रगाडा न्हंयच्या उदकाची पातळी देंविल्ल्यान बाराभूमी, मदलोवाडो, बट्टर, धारगे, तळडे, तांबडीसुर्ला आनी कार्यामळ ह्या भागांत उदकाची पुरवण करपी प्रकल्प फाटल्या शेनवारा सावन बंद दवरला. बांदकाम खात्यान लोकांक उदकाची पुरवण करपाक एका टँकराची वेवस्था केल्ली. पूण लोकांक एका टँकरांतल्यान उदकाची पुरवण सारकी जायनाशिल्ल्यान बुधवार सावन आनीक एका टँकरांतल्यान उदकाची पुरवण सुरू केल्या.
मदलोवाडो – साकोड्ड्यां न्हंयत उदकाची पातळी देंविल्ल्यान एक एमएलडी उदक प्रकल्प फाटल्या शेनवार सावन बंद दवरला. ताका लागून खुबश्या गांवांतल्या लोकां उदकाची समस्या निर्माश जाल्या. बांदकाम खात्यान रोखडेंच लोकांक टँकरांतल्यान उदकाची पुरवण करपाक सुरवात केल्ली. मात एक टँकर उणो पडिल्ल्यान बुधवारच्या आनीक एक टँकर उपलब्ध करून दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
