लायटी विशीं: फाल्यां आनी परवां पणजे सयत ह्या वाठारांनी लायट आसची ना

भांगरभूंय | प्रतिनिधी

पणजी: फाल्यां १६ मेक आल्तिन पणजेच्या मायक्रोव्हेव फिडराचेर ताकतिकेचें दुरूस्ती काम करपाचें आशिल्ल्यान सकाळीं ९.३० ते सांजेचीं ५ वरां मेरेन E-Type Quarters, D-Type Quarters (D3, D4, D5, D7, D14, D15), C-Type Quarters, A-Type Quarters (I, J, K, L, M, N), सती देवस्थान आनी भोंवतणच्या वाठारांत लायट आसची ना.

रायबंदर
तशेंच १६ मेक रायबंदरच्या बालभारती फिडराचेर ताकतिकेचें दुरूस्ती काम करपाचें आशिल्ल्यान सकाळीं ९.३० ते दनपरां १२.३० वरां मेरेन बालभारती स्कुल आनी भोंवतणच्या वाठारांत लायट आसची ना.

कुंभारजुव्यां
फाल्यां कुंभारजुव्यां फिडराचेर दुरूस्ती काम करपाचें आशिल्ल्यान सकाळीं ९.३० ते दनपरां २ वरां मेरेन पुराय कुंभारजुवेंच्या वाठारांत वीज पुरवण जावची ना.

रायबंदर
१७ मेक रायबंदरच्या बांदकाम खात्याच्या उदका टाकी फिडराचेर दुरूस्ती काम करपाचें आशिल्ल्यान सकाळीं ९.३० ते दनपरां १२.३० वरां मेरेन भौशीक बांदकाम खात्याची उदका टाकी, फोंडवे रायबंदर आनी भोंवतणच्या वाठारांत वीज पुरवण जावची ना.

पणजी
१७ मेक पणजी शारांतल्या ६३० केव्हीए पद्मावती फिडराचेर दुरूस्ती काम करपाचें आशिल्ल्यान सकाळीं ९.३० ते सांजेवेळार ५ वरां मेरेन पद्मावती टॉव्हर, जे. एन. चेंबर्स, बॉम्बे बाजार, दुर्गा चेंबर्स, सरस्वती मंदीर, गंगा निवास, सपना रेजेन्सी, विजया अपार्टमेंट आनी भोंवतणच्या वाठारांत लायट आसची ना.

धारबांदोड्यां
१७ मेक ११ केव्ही धारबांदोड्यां फिडराचेर ताकतिकेचें दुरूस्ती काम करपाचें आशिल्ल्यान सकाळीं ९.३० ते दनपरां २ वरां मेरेन शिवडें, मार्गेवाडी वाठारांत लायट आसची ना.
१७ मेक वेर्णा उद्देगीक वसणुकेंतल्या तुलीप फिडराचेर ताकतिकेचें दुरूस्ती काम करपाचें आशिल्ल्यान सकाळीं ९ ते सांजेच्या ३ वरां मेरेन वेर्णा आयडीसी वाठारांतल्या गिरायकांक लायट आसची ना.