भांगरभूंय | प्रतिनिधी
म्हापशें: पिलिंबीवाडो, सडयें शिवोले सावरीचें झाड पडून अॅण्ड्रू नोरोन्हा हांच्या घराचें सुमार 1 लाख रुपयांचें लुकसाण जालें.
ही घडणूक मंगळारा सकाळीं 11.45 वरांच्या सुमाराक घडली. नोरोन्हा हांच्या घराचे फाटले वटेन आशिल्लें सांवरीचें झाड हुमटून घरार पडलें. सुदैवान घराचे फाटले वटेन कोणूच नाशिल्ल्यान व्हड दुर्घटणा टळ्ळी.
झाड पडिल्ल्यान घराचे नळे, वाशे आनी हेर मालमत्तेचें लुकसाण जालें. म्हापशें उजो पालोवपी दळाचे उपअधिकारी प्रकाश कान्नायक, योगेश आमोणकार, भिकाजी काळोजी, प्रवीण पिसुर्लेंकार आनी सखाराम गांवकार ह्या जवानांनी झाड कापून कुशीक काडलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
