भांगरभूंय | प्रतिनिधी
वास्को, प्रतिनिधी: वास्कोच्या एफ.एल गोम्स मार्गार उदकाचीं पायपां आनी केबल्स घालपा खातीर रस्तो खणिल्लो. हो रस्तो योग्य तरेन दुरुस्त करूंक नाशिल्ल्यान वाहन चालकांक त्रास सोंसचो पडटा. पावसा पयलीं हो रस्तो दुरुस्त करपाची गरज आसा.
एफ.एल. गोम्स मार्गार एके वटेन उदकाचीं पायपां आनी केबल्स घालपा खातीर जेसीबीन खणपाचें काम केल्लें. जेसीबी वापरिल्ल्यान आनी हें खणपाचें बेगीन जाल्ल्यान वाहनचालकांक बरेच त्रास सोंसचे पडटात. कांय कडेन रस्तो खणटना आयिल्ले डांबराचे कुडके एके कडेन एकठांय करून दवरिल्ले. ताची रास आजूनय आदल्या सिने वास्को लागसारच्या रस्त्या कुशीक तशीच आसा. हांगच्यान मांगोरहिल, विमानतळाकडेन वचपी मिनी बसी सुट्टात. मात हांगा डांबराच्या कुड्यांची रास आशिल्ल्यान वाहन चालकांक बरेच त्रास सोंसचे पडटात.
संबंदीतांनी हो रस्तो दुरुस्त करपा खातीर पावलां उबारचीं अशी मागणी थळावे करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
