भांगरभूंय | प्रतिनिधी
भांगरभूंय| समीप नार्वेकार
आडोळ्या पावसान कांय दीस पयली गोंयच्या काय वाठारांनी धुमशेण कांडलें. हे फाटभूयेंर मे 11 ते 13 मजगतीं पावसांक लागून 61 झाडां कोसळपाच्यो घडणुको घडल्यात. 19.10 लाख मालमत्तेचे लुकसाण जाला. सगळ्यांत चड झाडां वाळपय वाठारांत पडल्यात. तीन दिसां भितर 14 झाडां पडपाची नोंद जाल्या. उजो पालोवपी दळान ही आंकडेवारी दिल्या.
11 ते 12 मे मजगती गोंयांत बारीक पावसा बरोबर नेटान वारे मारपांक लागिल्लें. देखून जायत्या वाठारांनी झाडां पडपाच्यो घडणुको घडल्यो. 13 मे वातावरण सुकें आसले पूण त्या वाऱ्यांक लागून दुबळ्यो जाल्ल्यो झाडाच्यो फांदयो आनी झाडा पडपाच्यो घडणुको घडल्यो.
उजो पालोवपी दळांक वट्ट 107 फोन आयिल्ले. तांतुतले 61 घडणुको झाडां पडपाच्यो आशिल्ल्यो. तातुंतले 38 घडणुको उत्तर गोंयांत घडल्यात जाल्यार 23 घडणुको दक्षीण गोंयांत घडल्यात. उत्तरेंत सत्तरी म्हालांत 14, दिवचल म्हालात 8, पेडण्यां म्हालात 6, बार्देश आनी तिसवाडी म्हालांत दरेकी 5 घडणुको घडल्यात. जाल्यार दक्षिणेंत फोंडें म्हालांत 17, मुरगांवांत 4 आनी धारबांदोड्यां 2 घडणुको घडल्यात.
वाळपय उजो पालोवपी केंद्रात 14 घडणुको नोंद जाल्यात, फोंडें केंद्रात 13, दिवचल केंद्रात 8, पेडणे केंद्रात 6, कुंडय केंद्रात 5, पोरणें गोंय आनी वास्को केंद्रात दरेकी 3, पिळर्ण, म्हापशें आनी पणजी दरेकी 2 आनी कुडचडें, पर्वरी आनी वेर्णा केंद्रात दरेकी 1 घडणुको नोंद जाल्यात.
हे घडणुकेंक लागून 19,10,000 रु. चे मालमत्तेचें लुकसाण जालां. जाल्यार 16,50,000 रु इतली मालमत्ता वाटोवपांक उजो पालोवपी दळाक येस आयलां. मजगतीं ह्या काळांत मनीस वा जनावरांचें कसलेंच लुकसाण जांवक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
