भांगरभूंय | प्रतिनिधी
फोंडें: कावंगाळ- सावयवेरेंच्या संजीव नायक हांच्या घराचेर झाडाचो खांदो, जाल्यार अडुळशें- बोरयेच्या जगदीश नायक हांच्या घराचेर माड पडून लुकसाण जालें. ह्यो घडणुको शेनवारा रातीं घडल्यो जेन्ना फोंड्या वाठारांत व्हडा प्रमणांत पावस पडलो. फोंडें उजो पालोवपी दळाच्या जवानांनी आयतारा हीं झाडां काडलीं. शेनवारा सांजे वेळार बरोच व्हड पावस गोंयच्या विवीध वाठारांनी झडलो. ह्या पावसांत झाडांय पडलीं. कावंगाळ- सावयवेरेंच्या संजीव नायक हांच्या घराचेर झाडाचो खांदो पडून लुकसाण जालें. आयतारा फोंडें उजो पालोवपी दळाच्या जवानांनी घडणुके सुवातेर येवन घराचेर पडिल्लें झाड काडलें. तशेंच अडुळशें- बोरयेच्या जगदीश नायक हांच्या घराचेर माड पडून सुमार 40 हजार रुपयांचें लुकसाण जालें. उजो पालोवपी दळाच्या जवानांनी घरार पडिल्लो माड आयतारा येवन काडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
