भांगरभूंय | प्रतिनिधी
फोंडें, प्रतिनिधी: शिरोड्यां आयतारा सकाळीं नुस्तेमारी खातीर गेल्ल्या संदीप नारायण दुर्भाटकार (काराय – शिरोड्यां) हाका न्हंयेंत बुडून मरण आयलें. फोंडें पुलिसांनी घडणुके सुवातेर वचून पंचनामो केल्या उपरांत ताची कूड दनपरां मडगांवच्या हॉस्पिटलांत पोस्टमार्टमा खातीर धाडल्या.
पुलिसांनी दिल्ले म्हायती प्रमाण, आयतारा सकाळीं सुमार ७.३० वरांचेर संदीप हो आपल्या हेर एका वांगड्या सयत जुवारी न्हयचेर नुस्तेंमारी खातीर गेल्लो. तेन्ना संदीप न्हंयेंत कोसळ्ळो. लागींच नुस्तेंमारी करपी ताच्या वांगड्यान हेरांचे मजतीन ताका वयर काडलो. उपरांत ताका शिरोड्यां मुळाव्या भलायकी केंद्रांत दाखल केलो तेन्ना ताका मरण आयिल्ल्याचें दोतोरांनी सांगलें.
फाडल्या कांय दिसां सावन संदीप दुयेंत आशिल्लो. दनपरां मडगांवच्या हॉस्पिटलांत ताचो पोस्टमार्टेम केलो. निरीक्षक तुषार लोटलीकार हे विशीं फुडलो तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
