भांगरभूंय | प्रतिनिधी
काणकोण, केपें, मडगांवां पावस ना
पणजी, प्रतिनिधी : शेनवारा रातीं हवामानांत जाल्ल्या बदलाक लागून राज्यांत सगळे कडेन पावस झडला. अचकीत पडिल्ल्या पावसाक लागून गैर वेवस्था जरी जाली तरी वाडिल्ले उश्णतायेक लोकांनी समाधान उक्तायलें.
फाटल्या २४ वरांनी फोंड्यां सगळ्यांत चड ३८.२ (१.५ इंच) मीमी, जाल्यार पोरणें गोंयां ३८ मीमी (१.५ इंच) पावसाची नोंद जाल्या. १ मार्च २०२४ उपरांत आतां मेरेन फोंड्यां सगळ्यांत चड म्हणल्यार १०४.८ मीमी (४.१२ इंच) पावसाची नोंद जाल्या.
शुक्रारा सांजच्या वेळार उपरांत राज्यांत पावस पडपाची शक्यताय हवामान खात्यान उक्तायल्ली. ते प्रमाण सांजेवेळार सत्तरी, दिवचल, फोंडें आनी हेर वाठारांनी पावस पडलो. पावसाक लागून लायट गेली. वारें आनी वादळ मर्यादीत आशिल्लें. देखून झाडां आनी खांदयो कोसळपाच्यो घडणुको जावंक ना.
फोंडें आनी पोरणें गोंयां देड इंचा परस चड पावसाची नोंद जाल्या. तरी केपें, मडगांव आनी काणकोणां पावस पडिल्ल्याची नोंद जावंक ना.
२४ वरांनी नोंद जाल्लो पावस (मिमी)
पेडणें – ५.२ मिमी, फोंड्यां – ३८.२ मिमी, पणजी – २, पोरणें गोंय- ३८, सांखळे- ३.२, वाळपय – २९.४, काणकोणां – ०, दाबोळे – २.८, मडगांवां- ० मुरगांवां – १.२, केपें- ०, सांगें- १.५ मिमी पावस झडलो.
१ मार्च २०२४ उपरांतचो पावस
पेडणें- ५.२ मिमी, फोंड्यां – १०४.८, पणजी – ९५.८, पोरणें गोंय- ७६.८, सांखळे- ९, वाळपय – ५८.७, काणकोणा – ३.६, दाबोळे – ३१.६, मडगांवां – ६.३, मुरगांव – ४०.४, केपे – ३५, सांगें- २६.४ मिमी पावसाच नोंद जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
