भांगरभूंय | प्रतिनिधी
अंदूं उश्णताय खूब खर आसा. उश्णतायेक लागून देशभरांतले नागरीक गर्मेन विटल्यात. गिमाच्या दिसांनी कुडीक चड उदकाची गरज आसता, देखून तानय चड लागता. गिमांत ताक, धंय, लस्सी पियेवपाचो सल्लो तज्ञ दितात. ही पेयां भलायके खातीर खूब फायदेशीर आसतात. दुदा पसून तयार केल्ल्या ह्या पेयांनी पोशक तत्वां आसतात. गिमाच्या दिसांनी कुडींतली उदकाची पातळी उणी जाता, देखून गिमाच्या दिसांनी तुमच्या आहारांत निरोगी आनी पोशक पेयां आस्पावप म्हत्वाचें.
दर दिसा ताक वा लस्सी पियेल्यार….
कुड हायड्रेटेड उरता
लस्सी आनी ताक हे दोनूय द्रव पदार्थाचे उत्कृश्ट स्रोत आसात, जे तुमकां दीसभर हायड्रेटेड दवरतात. उश्ण हवामानांत हें चड म्हत्वाचें.
पचनक्रिया सुदारता
ह्या पेयांमदीं प्रोबायोटिक आशिल्लें प्रमाण पचन करपाक मजत करता, वायू आनी फुगप सारकिल्या समस्या पसून सुटका दिता. दोनूय पेयांनी वेगवेगळे पोशक तत्व आसतात, जे पोटाची वायट भलायकी बरी करून एकंदरीत आंतकड्यांची भलायकी सुदारतात.
निरोगी काळीज
दोनूय पेयांचे नेमान सेवन केल्यार कोलेस्टेरॉलाची पातळी उणी जावपाक मजत जाता, जाका लागून काळजाक निरोगी उरता.
घट हाडां आनी दांत
ल्हान पिरायेचेर हाडांचो दुखणे आनी हाडांचे दुयेंस टाळपाक जाय जाल्यार हीं दोनूय पेयां घेवचीं. तातूंत कॅल्शियम भरपूर आशिल्ल्यान हाडांक ताचो फायदो जावंक शकता.
रोगप्रतिकार शक्त वाडता
ह्या दोनूय पेयांनी लॅक्टिक ॲसिड, तशेंच जीवनसत्व डी भरपूर प्रमाणांत आसता. ताका लागून रोगप्रतिकार शक्त घट जाता. चयापचय गती दिता, जाका लागून वजन उणें करपाक कसलोच त्रास जायना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
