भांगरभूंय | प्रतिनिधी
नवी दिल्ली, खबरां संस्था ः कांदो निर्गती (Onion Export) संबंदी केंद्र सरकारान व्हड निर्णय घेतला. सरकारान कांद्याच्या निर्गतीचेर आशिल्ली बंदी काडून उडयल्या. पूण 40 टक्के निर्गत शुल्क (Export Duty) लागू केला.
निर्गत बंदी 7 डिसेंबर 2023 दिसा लागू केल्ली
निर्गत बंदी लागू केल्ल्यान शेतकारांक आनी निर्गतदारांक ताचे व्हड लुकसाण जाल्ले. हाचे उपरांत NCEL वरवीं कांय देशांनी निर्गत सुरू केल्ली. पूण हे विशीं खूब कागाळी आयल्यो. निमाणे काल रातीं केंद्रीय वाणिज्य मंत्रालयान हो नवो निर्णय घेतला. हाका लागून शेतकारांक फायदो जातलो, अशें ते म्हणटा.
कांद्याचे दर नियंत्रणांत दवरपा खातीर निर्गत शुल्क लागू
मजगतीं, सरकारान कांद्याच्या निर्गतीचेर आशिल्ली बंदी काडून उडयल्या. पूण 40 टक्के निर्गत शुल्क लागू केला. कांद्याचे दर नियंत्रणांत दवरपा खातीर सरकारान हो निर्णय घेतला. फाटल्या वर्साय कांद्याच्या निर्गतीचेर 40 टक्के निर्गत शुल्क लागू केल्लो. पूण ते निर्गत शुल्क डिसेंबर 2023 मेरेन वैध आशिल्ले. मजगतीं, सरकारान परतून निर्गत कर लागू करपाचो निर्णय घेतला.
देशी चण्याचेर आयात शुल्कां पसून सुट
मजगतीं, मेळिल्ले म्हायती प्रमाण सरकारान देशी चण्यांक 31 डिसेंबर 2025 मेरेन आयात शुल्कांतल्यान सुट दिल्या. तेच प्रमाण हळडुव्या वाटाणेचेर आयात शुल्काची सुट 31 ऑक्टोबर 2024 मेरेन वाडोवपाचो निर्णय घेतला. हे सगळे बदल आयच्यान म्हळ्यार 4 मे सावन लागू जातले अशें निवेदनांत म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
