भांगरभूंय | प्रतिनिधी
नवी दिल्ली, खबरां संस्था: जेवण खाण, धान्याचे बाबतींत भारत देश सदांच मुखार आसा. गंवा सयत तांदळाचें उत्पादन देशांत व्हडा प्रमाणांत घेतात. तशेंच देशांतल्यान व्हडा प्रमणांत तांदळाची निर्यातूय जाता. मजगतीं, बासमती तांदळाचे निर्यातींत भारत आघाडीचेर आसा. २०२३-२४ ह्या अर्थीक वर्सा भारतान व्हडा प्रमाणांत बासमती तांदळाची निर्यात केल्या. वर्सभरांतले निर्यातींतल्यान भारतान ४८३८९.२ कोटी रुपया जोडल्यात. पाकिस्तानाच्या अडखळे उपरांतूय व्हडा प्रमाणांत तांदळाची निर्यात करता.
सौदी अरेबिया व्हडलो आयातदार
मजगतीं, सौदी अरेबिया हो भारताचो सगळ्यांत व्हड बासमती तांदळाचो आयातदार देश जाला. हांगा भारतान अंदूं १०.९८ लाख मेट्रिक टन बासमती तांदूळ विकून १०३९१ कोटी रुपया जोडले. ह्या देशांत व्हडा प्रमाणांत तांदळाची निर्यात जाल्ल्याचें चित्र आमकां पळोवपाक मेळटा. २०२३ ते मार्च २०२४ मेरेन, भारतान संवसारांतल्या १०० परस चड देशांनी ५२,४२,५११ मेट्रिक टन बासमती तांदूळ निर्यात केल्यात. इतले बासमती तांदूळ केन्नाच निर्यात जावंक नाशिल्ले. पयलेच फावट इतल्या व्हड तांदळाची निर्यात जाल्या.
कितल्या दरान तांदळाची विक्री
मेळिल्ले म्हायती प्रमाण, २०२३-२४ त भारतान बासमती तांदळाची मोठ्या प्रमाणांत निर्यात केल्या. सरासरी १११३ डॉलर दरेक टन अश्या दरान निर्यात केल्या. २०२२-२३ त आमी बासमतीची सरासरी १०५० डॉलर एक टन दरान निर्यात केल्ली. फाटल्या वर्साच्या मानान अंदूं व्हडा प्रमाणांत तांदळाची आनी बर्या दरान निर्यात जाल्या. भारतान उरुग्वे ह्या देशाक सगळयांत चड दरान तांदळाची निर्यात केल्या. १९६६ डॉलर टन ह्या दरान तांदळाची विक्री केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
