सानुल्यो खबरो
भांगरभूंय | प्रतिनिधी
शिक्षण, कला, पर्यावरण, साहित्य निर्मिती ह्या मळार विशीश्ट अशी भुमिका करपी सत्तरी म्हालांतले पूत प्रकाश पर्येंकार हांचो शेनवार ४ मे दिसा ग्रामीण कला आनी सांस्कृतीक शिक्षण संस्थे वतीन भोवमान जातलो. म्हालांतल्या पुताची सत्तरीचे जनतेन घेतिल्ली दखल आनी तातुंतल्यान जावपी भोवमान सुवाळो सगळ्यां खातीर उक्तो आसतलो.
- शिरोडेंच्या श्री नटराज कला विकास मंडळ आयोजीत बालनाट्य कलासंस्कार शिबिराचो समारोप श्री विश्वकर्मा कला मंडपांत आयतारा ५ मेक सांजेवेळार ६ वरांचेर जातलो. ह्या वेळार जावपी कार्यावळीक मानेस्तां हस्तुकीं शिबिरार्थींक प्रमाणपत्रां भेटयतले.उपरांत शिबिरांत वांटेकार जाल्ल्या बाल कलाकारांचें बालनाट्य सादर जातलें. ह्या वेळार बाल कलाकारां वतीन जय श्री राम हे बालनाट्य सादर करतले.
- स्वामी नरेंद्रचार्यजी महाराज आनी कानिफनाथ महाराज आनी पीठ देवता भोलेनाथांच्या कृपा आशिर्वादान सत्तरी म्हालांतल्या धामसे आरती केंद्राचे प्रवचनकार प्रशिक्षणार्थी राजीव कुडके हांचे सेवेंतल्यान शेनवार ४ मे २०२४ दिसा संतसंगाचो शुभारंभ जातलो. वेंचणूक आचारसंहिता लागू आशिल्ल्यान नियोजन कार्यावळ सरकारी अटीं प्रमाण ४.३० ते ८.३० ह्या वेळाचें बंधन पाळून करतले. ४ मेक जावपी संतसंग प्रतिमेची दिंडी मिरवणुकेन कार्यावळ सुवातेर वतली.
- साहित्य आनी सांस्कृतीक मंच आनी इंदिरा गांधी राष्ट्रीय कला केंद्र सांखळे, गोंय हांच्या जोड पालवान चंद्रकांत महादेव गांवस हांणी बरयल्ले ‘सावड’ हे कादंबरीचो प्रकाशन सुवाळो आयतार ५ मेक सांजेवेळार ४ वरांचेर सांतेरी सभामंडप विर्डी केरी आयोजीत केला.
- मांद्रें भंडारी चशक क्रिकेट सर्तीचें आयोजन केलां. ही सर्त स पंगडा मदीं जातली. टेनिस बॉल क्रिकेट सर्त १६ ते १८ मे मेरेन मांद्रें चॅम्पियन ट्रॉफी (एम सी टी) मैदानार जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
