भांगरभूंय | प्रतिनिधी
मडगांव, प्रतिनिधी : टीव्हीएस एनटॉर्क दुचाकी चालक मारुती ङ्ग्रेयर (५२, सुकेंभाट, नावेली) हांणी शांतीनगर आकें, बांयश नावेली पावले उपरांत अचकीत वोल्त घेतिल्ल्यान मुखारच्यान येवपी दुचाकीचो धपको बसलो. हातूंत दुचाकी चालक मारुती हाचो पांय फ्रॅक्चर जालो. मडगांव पुलिसांनी ताचे आड गुन्यांव नोंद केला.
मेळिल्ले म्हायती प्रमाण, दुचाकी चालक मारुती हे दुचाकी घेवन मंडोपच्यान शांतीनगरचे दिकेन येताले. दामोदर मोबायल अँड स्टेशनरी सामकारच्या रस्त्यार पावले उपरांत अचकीत ताणी आपली गाडी वळयली.ह्या वेळार मुखारच्यान दुचाकी घेवन येवपी जय जांबावलीकार (१९, शांतीनगर) हाचे गाडयेक धपको बसको. हातूंत चालक मारुती हाच्या पांयांक दुखापत जाली. पुलिसांनी चवकशी केले उपरांत दुचाकी चालक मारुती हाचे आड दुसर्याचो जीव धोक्यांत घातिल्ल्या प्रकरणांत गुन्यांव नोंद केला. पुलीस निरीक्षक तुळशीदास नायक हांच्या मार्गदर्शना खाला ह्या प्रकरणाचो तपास सुरु आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
