भांगरभूंय | प्रतिनिधी
वुस्टरशायर, खबरां संस्था: सध्या खेळां मळार दुख्ख पातळ्ळां. इंग्लंडच्या २० वर्सां पिरायेच्या खेळगड्याक मरण आयलां. वुस्टरशायरचो स्पिनर बॉलर जोश बेकर हाका मरण आयलें. ताची पिराय फकत २० वर्सां आशिल्लीं. हे बातमेन खेळां मळार धक्को बसला. जोश बेकर हाणें ९ एप्रिलाक निमाणी मॅच खेळिल्ली. अंदूंच्या हंगामांत ताणें दोन कावंटी सामन्यांत बरी कामगिरी केल्ली. जोश बेकर १९ एप्रिलाक किडरमिन्स्टरांत डरहम आड खेळटना दिसलो. ताचे उपरांत ताका मरण आयलें.
जोश बेकर आतां मेरेन सगळ्या फॉरमॅटांत ४७ सामने खेळ्ळा. जातूंत ताणें ७० विकेटी नांवाचेर केल्यात. जोश बेकर हाका नेमकें कित्याक लागून आनी कशें मरण आयलें. हें आजूनय कळूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
