भांगरभूंय | प्रतिनिधी
महाड, खबरां संस्था: शिवसेना ठाकरे गटाच्यो सुषमा अंधारे हांकां घेवपाक आयिल्लें हॅलिकॉप्टर कोसळिल्ल्याची घडणूक महाड हांगा शुक्रारा घडली. तांत्रीक कारणाक लागून हें हॅलिकॉप्टर कोसळ्ळें. महाडांत सुषमा अंधारे हॅलिकॉप्टरांत बसचे पयलीं तें क्रॅश जालें.
सुषमा अंधारे आनी पायलटाक कांय जावंक ना
लोकसभा वेंचणूक प्रचारा खातीर राज्यभरांत सुषमा अंधारे भोंवता. तांची काल कोकणांत सभा आशिल्ली. आयज ती बारामतीकडेन वचपाची आशिल्ली. ताका लागून तांकां घेवपा खातीर महाडांत हॅलिकॉप्टर आयिल्लें. मात तें हॅलिकॉप्टर क्रॅश जालें. सुषमा अंधार हॅलिकॉप्टरांत बसचे पयलीं तें कोसळ्ळें. मात सुषमा अंधारे आपल्याक कांयच जावंक ना अशें म्हणलें. अपघातांत पायलटाकूय कांय जावंक ना.
तांत्रीक इबाडाक लागून अपघात
तांत्रीक इबाडाक लागून हॅलिकॉप्टर क्रॅश जाल्ल्याचें सांगलें. शिवसेना फुडारी सुषमा अंधारे सकाळीं ९.३० वरांचेर महाडच्यान बारामती हॅलिकॉप्टरांत वचपाची आशिल्ली. ताका लागून ती हॅलिकॉप्टरा कडेन आयिल्ली. मात ताचे पयलीं अपघात जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
