भांगरभूंय | प्रतिनिधी
सध्या जायती कामां फोनाचेर आदारुन आसात. खंयूय वचपाचे जाल्यार फोन हो बरोबर जायच आसा. पूण चड फोन वापरल्यार कांय काळा उपरांत स्मार्टफोनाची बॅटरी बेगीन सोंपता. कॅमेरो वापरून गेम खेळटना फोन परत परत चार्ज करपाचो पडटा. जायते फावटीं तुमच्या कांय चुकांक लागून तुमच्या फोनाची बॅटरी बेगीन सोंपता. खंयच्या चुकांक लागून फोनाची बॅटरी बेगीन सोंपता कांय? तुमी त्या गजालीं कडेन दुर्लक्ष करतात? पूण त्या गजालीं कडेन लक्ष दिवप खूब गरजेचें आसा.
ह्या कारणांक लागून बॅटरी बोगीन सोंपता…
१. तुमच्या फोनाची बॅटरी जसी पोरणी जाता तशी तिची तांक उणी जाता. ताका लागून ती उणो वेळ तिगता.
२. तुमी तुमचो स्मार्टफोन बरोच वेळ वापरतात जाल्यार ताचो परिणाम बॅटरी बॅकअपाचेर जाता. हातूंत स्मार्टफोनाचेर व्हिडियो पळोवप, गेम्स खेळप आदी गजालींचो आस्पाव जाता. हाका लागून बॅटरी बेगीन सोंपता.
३. फोनाची चुकीची बॅटरी सेटिंगचोय बॅटरी बॅकअपाचेर परिणाम जावंक शकता. जशें तुमी तुमच्या फोनाची स्क्रीन ब्राइटनेस सदांच चड दवरतात जाल्यार तुमी ब्राइटनेस वेवस्थापन करपाक जाय.
४. बॅटरीय समस्या आसूं येता. तुमचो फोन बेगीन डिस्चार्ज जाता जाल्यार हें बॅटरीच्या समस्याचेंय लक्षण आसूं येता.
अशे तरेन बॅटरी चड काळ तिगतली….
१. सतत बॅटरी कमी चार्ज केल्यार ती सोंपूं येता. बॅटरी 20 टक्क्यां सकयल देंवचे पयलीं चार्ज करात. बॅटरी सेटिंग्ज समायोजीत करात फोनाची स्क्रीन ब्राइटनेस आनी बॅटरी सेटिंग्ज समायोजीत करात.
२. फोन गरम सुवाते पसून पयस दवरात, उश्णतायेक लागून फोनाची बॅटरी बेगीन सोंपता. तुमचे फोनांत ऑटो अपडेट पर्याय दवरचें बदला अपडेट दवरात.
३. गरजे भायर ॲप्स दवरुं नाकात, पार्श्वभूंय ऍप्लिकेशन सक्रिय वैशिश्ट्य (Background app active feature) बंद करात. उच्च रिझोल्यूशनांत व्हिडियो पळयल्यार बॅटरी बेगीन सोंपता.
फोन वापरतना ह्यो गजाली मतींत दवरल्यार तुमच्या फोनाची बॅटरी बरी उरतली आनी बेगीन सोंपची ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
