भांगरभूंय | प्रतिनिधी
पणजी, बातमीदार : उत्तर गोंय मतदारसंघांत वेंचणूक ड्युटीचेर आशिल्ल्या सरकारी कर्मचार्यां खातीर पोस्टल बॅलेट पद्धतीन मतदान करपाक इन्स्टिट्युट मिनेझिस ब्रागांझा सभाघरांत सुविधा केंद्र उबारलां. हांगा ३ ते ५ मे मजगतीं पोस्टल बॅलेट मतदान करपाक मेळटलें. उत्तर गोंय जिल्हो वेंचणूक अधिकार्यांनी हे विशीं आदेश जारी केल्यात.
इन्स्टिट्युट मिनिझेस ब्रागांझा हांगचे पयले माळयेर ‘बी’ सभाघरांत वेंचणूक भरारी पंगड, सहायक वेंचणूक अधिकारी आनी हेर अधिकार्यांक मतदान करपाक मेळटलें. जाल्यार वेंचणूक ड्युटीचेर आशिल्ल्या पुलीस दळांतले कर्मचारी, आयआरबी पुलीस आनी होमगार्ड हांकां खातीर इन्स्टिट्युट मिनेझिस ब्रागांझाच्या ‘ए’ सभाघरांत मतदान करपाक मेळटलें.
ज्या कर्मचार्यांनी पोस्टल बॅलेट पद्धतीन मतदानाक अर्ज केल्ले तांकांच वयल्या केंद्रांत मतदान करपाक मेळटलें. तशेंच पोस्टल बॅलेटा खातीर अर्ज केल्ल्या राजकीय पक्षांच्या कार्यकर्त्यां खातीरचें मतदान सुरू जालां. तांकां ३० एप्रिल ते ३ मे मजगतीं मिरामारचे धेंपे म्हाविद्यालय पोस्टल बॅलेट पद्धतीन मतदान करपाक मेळटलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
