भांगरभूंय | प्रतिनिधी
भांगरभूंय । प्रतिनिधी
बेळगांव : गोंय कर्नाटक आनी महाराष्ट्र ह्या तीनूय राज्यांतल्या सगल्यांत व्हडल्या टेक्सटायल माॅल बीएससी – द टेक्सटायल माॅलाचें आयतार 26 वेर सकाळीं 10.30 वरांचेर बेळगांवां उपचारीक उक्तावण जातलें.
उक्तावण सुवाळ्याक कर्नाटकाचे मुख्यमंत्री बोम्मय, गोंयचे मुख्यमंत्री डाॅ. प्रमोद सावंत आनी केएलई सोसायटीचे अध्यक्ष डाॅ. प्रभाकर कोरे हाजीर आसतले. दोनूय राज्यांचे कांय मंत्रीय उपस्थित रावपाचीय शक्यताय आसा.
पांच माळयो आनी एकूण 1 लाख चौखण फुटांचेर पातळिल्लें, बीएससी- द टेक्सटायल हें गिरायकांच्या सगल्या विभागांक सेवा दितलें. टिळकवाडीच्या पयल्या रेल्वे गेटी लागसार शुक्रार पेठेंत हो आलिशान माॅल आसा. व्हड जागो, खूब म्हाल आनी तोय सवाय भितर तशेंच पार्किंगा खातीर खूब जागो आशिल्ल्यान गोंयकारांक हांगा खरेदीचो आनंद घेवपाक मेळटलो.
संचालक बी. सी. चंद्रशेखर हांणी सांगलें, बीएससी ब्रॅण्डाची स्थापना 1938 वर्सा दावणगिरी हांगा जाली. तेन्नाच्यान हो समूह आघाडेचो रिटेल ब्रॅण्ड जाला. गोंय, बेळगांव आनी कोलहापुराचे गिरायक दावणगिरी बीएससी माॅलांत येतालें. पूण तांची वाडटी मागणी पळोवन आतां बेळगांवां माॅल सुरू करपाचो निर्णय घेतलो. तो तिनूय राज्यांक बरो पडटलो.
तांणी मुखार सांगलें, बीएससींत सगल्या प्रकाराचे कपडे, साडयो आनी हेर कापड सामुग्री आसा. तीय बी सगल्या तरांची. दर्जो सामको उंचेलो आसा. मोलूय चड ना. 125 रुपयां पासून देड लाखां मेरेनच्यो साडयो हांगां मेळटात ताका लागून सगल्या अर्थीक पांवड्यां वयल्या गिरायकांक हांगा जाय तें वेंचून काडपाक मेळटलें.
हे पत्रकार परिशदेक बी. सी. शिवकुमार, बी. सी. विवेक, बी. एस मृणाल, बी. सी. वेद हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
